Internet Speed: ਇੰਟਰਨੈੱਟ ਸਪੀਡ ਦਾ ਵਿਸ਼ਵ ਰਿਕਾਰਡ, ਪਲਕ ਝਪਕਦੇ ਹੀ Netflix ਦੀ ਪੂਰੀ ਲਾਇਬ੍ਰੇਰੀ ਡਾਊਨਲੋਡ

<p>Internet Speed World Record: ਜਾਪਾਨ ਨੇ ਇੰਟਰਨੈੱਟ ਸਪੀਡ ਦਾ ਵਿਸ਼ਵ ਰਿਕਾਰਡ ਕਾਇਮ ਕੀਤਾ ਹੈ। ਇੱਕ ਰਿਪੋਰਟ ਅਨੁਸਾਰ ਇੱਕ ਸਕਿੰਟ ਵਿੱਚ 1.02 ਮਿਲੀਅਨ ਗੀਗਾਬਾਈਟ (GB) ਡਾਟਾ ਡਾਊਨਲੋਡ ਕੀਤਾ ਗਿਆ ਹੈ। ਸਰਲ ਭਾਸ਼ਾ ਵਿੱਚ ਕਹੀਏ ਤਾਂ ਪਲਕ ਝਪਕਦੇ ਹੀ ਵੀਡੀਓ ਮਨੋਰੰਜਨ ਦੇ ਮਸ਼ਹੂਰ OTT ਪਲੇਟਫਾਰਮ Netflix 'ਤੇ ਮੌਜੂਦ ਪੂਰੀ ਲਾਇਬ੍ਰੇਰੀ ਇੱਕ ਸਕਿੰਟ ਵਿੱਚ ਡਾਊਨਲੋਡ ਹੋ ਜਾਵੇਗੀ।</p> <p><br />ਜਾਪਾਨੀ ਖੋਜਕਰਤਾਵਾਂ ਨੇ 1.02 ਪੇਟਾਬਾਈਟ (1.02 ਮਿਲੀਅਨ GB) ਪ੍ਰਤੀ ਸਕਿੰਟ ਦੀ ਇੰਟਰਨੈੱਟ ਸਪੀਡ ਪ੍ਰਾਪਤ ਕਰਕੇ ਇੱਕ ਨਵਾਂ ਵਿਸ਼ਵ ਰਿਕਾਰਡ ਕਾਇਮ ਕੀਤਾ ਹੈ। ਇਹ ਅਮਰੀਕਾ ਦੀ ਔਸਤ ਇੰਟਰਨੈੱਟ ਸਪੀਡ ਨਾਲੋਂ 3.5 ਗੁਣਾ ਤੇਜ਼ ਤੇ ਭਾਰਤ ਦੀ ਔਸਤ ਇੰਟਰਨੈੱਟ ਸਪੀਡ 63.55 Mbps ਨਾਲੋਂ 1.6 ਕਰੋੜ ਗੁਣਾ ਤੇਜ਼ ਹੈ। ਇਸ ਇੰਟਰਨੈੱਟ ਦੀ ਗਤੀ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਇਸ ਰਾਹੀਂ ਨੈੱਟਫਲਿਕਸ ਦੀ ਪੂਰੀ ਲਾਇਬ੍ਰੇਰੀ ਇੱਕ ਸਕਿੰਟ ਵਿੱਚ ਡਾਊਨਲੋਡ ਕੀਤੀ ਜਾ ਸਕਦੀ ਹੈ ਤੇ 150 ਜੀਬੀ ਦੇ ਵਾਰਜ਼ੋਨ ਵਰਗੇ ਵੀਡੀਓ ਗੇਮ ਨੂੰ ਪਲਕ ਝਪਕਦੇ ਹੀ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਇਸ ਪ੍ਰਾਪਤੀ ਨੂੰ ਨਾ ਸਿਰਫ਼ ਜਾਪਾਨ ਵਿੱਚ ਸਗੋਂ ਵਿਸ਼ਵ ਪੱਧਰ 'ਤੇ ਡੇਟਾ ਟ੍ਰਾਂਸਫਰ, ਸਟ੍ਰੀਮਿੰਗ ਤੇ ਕਨੈਕਟੀਵਿਟੀ ਦੇ ਖੇਤਰ ਵਿੱਚ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਮੰਨਿਆ ਜਾ ਰਿਹਾ ਹੈ।</p> <p><iframe class="vidfyVideo" style="border: 0px;" src="https://ift.tt/902o7DE" width="631" height="381" scrolling="no"></iframe></p> <p><br />ਇਹ ਤਕਨਾਲੋਜੀ ਜਾਪਾਨ ਦੇ ਨੈਸ਼ਨਲ ਇੰਸਟੀਚਿਊਟ ਆਫ਼ ਇਨਫਰਮੇਸ਼ਨ ਐਂਡ ਕਮਿਊਨੀਕੇਸ਼ਨਜ਼ ਟੈਕਨਾਲੋਜੀ (ਐਨਆਈਸੀਟੀ) ਦੇ ਵਿਗਿਆਨੀਆਂ ਦੁਆਰਾ ਵਿਕਸਤ ਕੀਤੀ ਗਈ ਹੈ। ਇਸ ਲਈ ਉੱਨਤ ਫਾਈਬਰ ਆਪਟਿਕ ਤਕਨਾਲੋਜੀ ਤੇ ਅਤਿ-ਆਧੁਨਿਕ ਸਿਗਨਲ ਪ੍ਰੋਸੈਸਿੰਗ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਗਤੀ ਮੌਜੂਦਾ ਦੁਨੀਆ ਵਿੱਚ ਔਸਤ ਘਰੇਲੂ ਇੰਟਰਨੈਟ ਕਨੈਕਸ਼ਨ ਨਾਲੋਂ 100000 ਗੁਣਾ ਤੇਜ਼ ਹੈ। ਇਸ ਨਾਲ ਇੱਕ ਸਕਿੰਟ ਵਿੱਚ 10,000 ਤੋਂ ਵੱਧ ਅਲਟਰਾ-ਹਾਈ-ਡੈਫੀਨੇਸ਼ਨ 4K ਫਿਲਮਾਂ ਡਾਊਨਲੋਡ ਕੀਤੀਆਂ ਜਾ ਸਕਦੀਆਂ ਹਨ।</p> <p><br />ਇਹ ਤਕਨਾਲੋਜੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ), ਇੰਟਰਨੈੱਟ ਆਫ਼ ਥਿੰਗਜ਼ (ਆਈਓਟੀ) ਤੇ ਗਲੋਬਲ ਡਿਜੀਟਾਈਜ਼ੇਸ਼ਨ ਦੀਆਂ ਵਧਦੀਆਂ ਮੰਗਾਂ ਨੂੰ ਪੂਰਾ ਕਰਨ ਵਿੱਚ ਕ੍ਰਾਂਤੀ ਲਿਆ ਸਕਦੀ ਹੈ। ਤੇਜ਼ ਤੇ ਭਰੋਸੇਮੰਦ ਡੇਟਾ ਟ੍ਰਾਂਸਫਰ ਸਮਾਰਟ ਸਿਟੀ, ਰਿਮੋਟ ਹੈਲਥਕੇਅਰ ਤੇ ਔਨਲਾਈਨ ਸਿੱਖਿਆ ਵਰਗੇ ਖੇਤਰਾਂ ਵਿੱਚ ਬੇਮਿਸਾਲ ਤਰੱਕੀ ਵੱਲ ਲੈ ਜਾ ਸਕਦਾ ਹੈ। ਉਦਾਹਰਣ ਵਜੋਂ, ਹਸਪਤਾਲ ਅਸਲ ਸਮੇਂ ਵਿੱਚ ਵੱਡੀ ਮਾਤਰਾ ਵਿੱਚ ਡਾਕਟਰੀ ਡੇਟਾ ਸਾਂਝਾ ਕਰ ਸਕਦੇ ਹਨ, ਜਿਸ ਨਾਲ ਰਿਮੋਟ ਸਰਜਰੀ ਜਾਂ ਤੇਜ਼ ਨਿਦਾਨ ਸੰਭਵ ਹੋ ਜਾਵੇਗਾ।&nbsp;</p> <p><iframe class="vidfyVideo" style="border: 0px;" src="https://ift.tt/BpOGtbM" width="631" height="381" scrolling="no"></iframe></p> <p>ਇਸ ਤੋਂ ਇਲਾਵਾ ਸਮਾਰਟ ਸ਼ਹਿਰਾਂ ਵਿੱਚ ਇਹ ਤਕਨਾਲੋਜੀ ਟ੍ਰੈਫਿਕ ਪ੍ਰਬੰਧਨ, ਊਰਜਾ ਦੀ ਵਰਤੋਂ ਤੇ ਸੁਰੱਖਿਆ ਪ੍ਰਣਾਲੀਆਂ ਨੂੰ ਵਧੇਰੇ ਕੁਸ਼ਲ ਬਣਾਏਗੀ। ਵਿਸ਼ਵ ਵਪਾਰ ਤੇ ਸੰਚਾਰ ਵਿੱਚ ਡੇਟਾ ਟ੍ਰਾਂਸਫਰ ਦੀ ਗਤੀ ਵਧਾਉਣ ਨਾਲ ਉਤਪਾਦਕਤਾ ਵਿੱਚ ਕਾਫ਼ੀ ਵਾਧਾ ਹੋਵੇਗਾ। ਸਰਕਾਰੀ ਸੰਗਠਨ ਰਾਸ਼ਟਰੀ ਅੰਕੜਾ ਦਫਤਰ (NSO) ਦੁਆਰਾ ਇਸ ਸਾਲ ਜੂਨ ਵਿੱਚ ਕੀਤੇ ਗਏ ਇੱਕ ਅਧਿਐਨ ਤੋਂ ਬਾਅਦ ਇੱਕ ਅਨੁਮਾਨ ਅਨੁਸਾਰ ਭਾਰਤ ਦੇ ਪੇਂਡੂ ਖੇਤਰਾਂ ਵਿੱਚ '15 ਸਾਲ ਤੇ ਇਸ ਤੋਂ ਵੱਧ ਉਮਰ ਸਮੂਹ' ਦੀਆਂ 76.3% ਔਰਤਾਂ ਮੋਬਾਈਲ ਫੋਨ ਦੀ ਵਰਤੋਂ ਕਰਦੀਆਂ ਹਨ, ਪਰ 48.4 ਪ੍ਰਤੀਸ਼ਤ ਔਰਤਾਂ ਕੋਲ ਆਪਣਾ ਫੋਨ ਨਹੀਂ।</p> <p><br />ਹਾਲਾਂਕਿ, ਇਸ ਤਕਨਾਲੋਜੀ ਨੂੰ ਵਿਆਪਕ ਤੌਰ 'ਤੇ ਲਾਗੂ ਕਰਨ ਵਿੱਚ ਚੁਣੌਤੀਆਂ ਹਨ। ਮੌਜੂਦਾ ਨੈੱਟਵਰਕ ਲਈ ਮਲਟੀ-ਕੋਰ ਫਾਈਬਰ ਤੇ ਐਡਵਾਂਸਡ ਹਾਰਡਵੇਅਰ ਨੂੰ ਅਪਣਾਉਣ ਲਈ ਭਾਰੀ ਨਿਵੇਸ਼ ਦੀ ਲੋੜ ਹੋਵੇਗੀ। ਇਸ ਨੂੰ ਆਮ ਖਪਤਕਾਰਾਂ ਲਈ ਕਫਾਇਤੀ ਬਣਾਉਣਾ ਤੇ ਅੰਤਰਰਾਸ਼ਟਰੀ ਮਾਪਦੰਡ ਸਥਾਪਤ ਕਰਨਾ ਵੀ ਇੱਕ ਮੁਸ਼ਕਲ ਕੰਮ ਹੈ। ਇਹ ਵੀ ਦਿਲਚਸਪ ਹੈ ਕਿ ਇਸ ਸਾਲ ਮਈ ਵਿੱਚ ਇੱਕ ਰਿਪੋਰਟ ਅਨੁਸਾਰ ਜਾਪਾਨ ਨੇ 5G ਇੰਟਰਨੈਟ ਨਾਲੋਂ ਪੰਜ ਗੁਣਾ ਤੇਜ਼ ਡਿਵਾਈਸ ਵਿਕਸਤ ਕਰਨ ਦਾ ਦਾਅਵਾ ਕੀਤਾ ਸੀ।&nbsp;</p> <p><iframe class="vidfyVideo" style="border: 0px;" src="https://ift.tt/aixD7ur" width="631" height="381" scrolling="no"></iframe></p> <p>ਇਸ ਖ਼ਬਰ ਅਨੁਸਾਰ 5G ਅਜੇ ਭਾਰਤ ਵਿੱਚ ਸਹੀ ਢੰਗ ਨਾਲ ਨਹੀਂ ਪਹੁੰਚਿਆ ਹੈ ਤੇ ਦੂਜੇ ਪਾਸੇ ਜਾਪਾਨ ਨੇ ਦੁਨੀਆ ਦਾ ਪਹਿਲਾ 6G ਡਿਵਾਈਸ ਵਿਕਸਤ ਕੀਤਾ ਹੈ। ਹਾਲਾਂਕਿ ਇਸ ਸਮੇਂ ਇਹ ਸਿਰਫ ਇੱਕ ਪ੍ਰੋਟੋਟਾਈਪ ਡਿਵਾਈਸ ਹੈ ਪਰ ਇਸ ਦੀ ਸਪੀਡ 300 ਫੁੱਟ ਤੋਂ ਵੱਧ ਦੀ ਰੇਂਜ ਵਿੱਚ ਵੀ 100Gbps ਤੋਂ ਵੱਧ ਹੈ। ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਸ ਦੀ ਸਪੀਡ ਮੌਜੂਦਾ 5G ਤਕਨਾਲੋਜੀ ਨਾਲੋਂ 20 ਗੁਣਾ ਵੱਧ ਹੈ।</p>