Tech Tips: ਸੋਸ਼ਲ ਮੀਡੀਆ 'ਤੇ ਆ ਰਹੀਆਂ ਗੰਦੀਆਂ ਰੀਲਾਂ, ਬੱਸ 2 ਸੈਟਿੰਗਾਂ ਨੂੰ ਕਰੋ ਸੈੱਟ ਤੇ ਸਾਰਾ ਅਸ਼ਲੀਲ ਕੰਟੈਂਟ ਹਟਾਓ

<p><strong>Reset Instagram Content Preference:</strong> ਸੋਸ਼ਲ ਮੀਡੀਆ 'ਤੇ ਕਈ ਵਾਰ ਗੰਦੀਆਂ ਰੀਲਾਂ ਆਉਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ। ਇਸ ਨਾਲ ਸਾਨੂੰ ਬੱਚਿਆਂ ਤੇ ਵੱਡਿਆਂ ਸਾਹਮਣੇ ਸ਼ਰਮਸਾਰ ਵੀ ਹੋਣਾ ਪੈ ਸਕਦਾ ਹੈ। ਅਜਿਹਾ ਕੰਟੈਂਟ ਬੱਚਿਆਂ ਲਈ ਖਾਤਕ ਹੋ ਸਕਦਾ ਹੈ। ਇਸ ਲਈ ਜੇਕਰ ਤੁਸੀਂ ਵੀ ਇੰਸਟਾਗ੍ਰਾਮ 'ਤੇ ਆਉਣ ਵਾਲੀਆਂ ਅਜੀਬੋ-ਗਰੀਬ ਤੇ ਗੰਦੀਆਂ ਰੀਲਾਂ ਤੋਂ ਪ੍ਰੇਸ਼ਾਨ ਹੋ ਤਾਂ ਅਸੀਂ ਇੱਥੇ ਕੁਝ ਸੈਟਿੰਗਾਂ ਬਾਰੇ ਦੱਸ ਰਹੇ ਹਾਂ, ਜੋ ਇੰਸਟਾਗ੍ਰਾਮ ਵਿੱਚ ਤੁਹਾਡੀ ਕੰਟੈਂਟ ਪ੍ਰੈਫਰੈਂਸ ਨੂੰ ਰੀਸੈਟ ਕਰ ਦੇਣਗੀਆਂ।</p> <p>ਇੰਸਟਾਗ੍ਰਾਮ ਇੱਕ ਪ੍ਰਸਿੱਧ ਸੋਸ਼ਲ ਮੀਡੀਆ ਪਲੇਟਫਾਰਮ ਹੈ। ਇਸ ਵਿੱਚ ਉਪਭੋਗਤਾ ਮਨੋਰੰਜਨ ਲਈ ਕਈ ਤਰ੍ਹਾਂ ਦੇ ਵੀਡੀਓ ਅਪਲੋਡ ਕਰਦੇ ਹਨ। ਹਾਲਾਂਕਿ ਬਹੁਤ ਸਾਰੇ ਕੰਟੈਂਟ ਕ੍ਰਿਏਟਰ ਤੇਜ਼ੀ ਨਾਲ ਫਾਲੋਅਰਜ਼ ਵਧਾਉਣ ਲਈ ਅਜੀਬ ਤੇ ਗੰਦੀਆਂ ਰੀਲਾਂ ਵੀ ਅਪਲੋਡ ਕਰਦੇ ਹਨ। ਇੰਸਟਾਗ੍ਰਾਮ ਬਹੁਤ ਸਾਰੀ ਇਤਰਾਜ਼ਯੋਗ ਸਮੱਗਰੀ ਨੂੰ ਫਿਲਟਰ ਕਰਦਾ ਹੈ ਤੇ ਹਟਾ ਦਿੰਦਾ ਹੈ। ਹਾਲਾਂਕਿ ਕੁਝ ਸਮੱਗਰੀ ਅਜਿਹੀ ਹੈ ਜੋ ਇਤਰਾਜ਼ਯੋਗ ਨਹੀਂ ਹੈ ਤੇ ਬੋਲਡ ਸ਼੍ਰੇਣੀ ਵਿੱਚ ਆਉਂਦੀ ਹੈ, ਜਿਸ ਨੂੰ ਇੰਸਟਾਗ੍ਰਾਮ ਬਲੌਕ ਨਹੀਂ ਕਰਦਾ ਹੈ ਤੇ ਇਹ ਰੀਲਾਂ ਤੁਹਾਨੂੰ ਵੀ ਦਿਖਾਈ ਦੇਣ ਲੱਗ ਪੈਂਦੀਆਂ ਹਨ।</p> <p><br />ਜੇਕਰ ਤੁਸੀਂ ਵੀ ਅਜਿਹੀਆਂ ਰੀਲਾਂ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹੋ ਤਾਂ ਇੱਥੇ ਅਸੀਂ ਤੁਹਾਨੂੰ ਕੁਝ ਟ੍ਰਿਕਸ ਦੱਸ ਰਹੇ ਹਾਂ ਜਿਨ੍ਹਾਂ ਨਾਲ ਤੁਹਾਡਾ ਇੰਸਟਾਗ੍ਰਾਮ ਅਕਾਊਂਟ ਪੂਰੀ ਤਰ੍ਹਾਂ ਰੀਫਰੈਸ਼ ਹੋ ਜਾਵੇਗਾ ਤੇ ਗੰਦੀਆਂ ਰੀਲਾਂ ਦਿਖਾਈ ਦੇਣਾ ਬੰਦ ਹੋ ਜਾਣਗੀਆਂ। ਇਸ ਦੇ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਜਾਣਾ ਪਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਸੈਟਿੰਗਜ਼ ਵਿਕਲਪ ਖੋਲ੍ਹਣਾ ਹੋਵੇਗਾ। ਸੈਟਿੰਗਾਂ ਵਿੱਚ ਤੁਹਾਨੂੰ Content Reference ਵਿਕਲਪ ਦੀ ਚੋਣ ਕਰਨੀ ਪਵੇਗੀ।</p> <p><br />ਕੰਟੈਂਟ ਰੈਫਰੈਂਸ 'ਤੇ ਜਾਣ ਤੋਂ ਬਾਅਦ ਤੁਹਾਨੂੰ Reset Suggested Content ਦੀ ਚੋਣ ਕਰਨੀ ਪਵੇਗੀ। ਇਸ ਨਾਲ ਤੁਹਾਡੇ ਇੰਸਟਾਗ੍ਰਾਮ 'ਤੇ ਕੰਟੈਂਟ ਪ੍ਰੈਫਰੈਂਸ ਰੀਸੈਟ ਹੋ ਜਾਏਗਾ। ਭਾਵ ਤੁਹਾਡੀਆਂ ਪੁਰਾਣੀਆਂ ਕੰਟੈਂਟ ਪ੍ਰੈਫਰੈਂਸ ਨੂੰ ਮਿਟਾ ਦਿੱਤਾ ਜਾਵੇਗਾ ਤੇ ਰੀਸੈਟ ਕਰ ਦਿੱਤਾ ਜਾਵੇਗਾ। ਹੁਣ ਤੁਹਾਨੂੰ ਪੁਰਾਣੀਆਂ ਰੀਲਾਂ ਨਹੀਂ ਦਿਖਾਈ ਦੇਣਗੀਆਂ।</p> <p><iframe class="vidfyVideo" style="border: 0px;" src="https://ift.tt/qGpVxOC" width="631" height="381" scrolling="no"></iframe><br />ਇਸ ਤੋਂ ਬਾਅਦ ਤੁਹਾਨੂੰ ਅਕਾਊਂਟ ਸੈਂਟਰ ਉਪਰ ਜਾਣਾ ਪਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਆਪਣੀ ਜਾਣਕਾਰੀ ਤੇ ਇਜਾਜ਼ਤ 'ਤੇ ਟੈਪ ਕਰਨਾ ਹੋਵੇਗਾ। ਜਿਵੇਂ ਹੀ ਤੁਸੀਂ ਇਸ 'ਤੇ ਟੈਪ ਕਰੋਗੇ, ਤੁਹਾਨੂੰ ਕੁਝ ਵਿਕਲਪ ਦਿਖਾਈ ਦੇਣਗੇ, ਜਿਸ ਵਿੱਚ ਇੱਕ ਵਿਕਲਪ ਸਰਚ ਹਿਸਟਰੀ ਦਾ ਹੋਵੇਗਾ।</p> <p><br />ਇਸ ਤੋਂ ਬਾਅਦ ਤੁਹਾਨੂੰ ਸਰਚ ਹਿਸਟਰੀ 'ਤੇ ਟੈਪ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ Last Hour, Yesterday and All Time ਦਾ ਵਿਕਲਪ ਦਿਖਾਈ ਦੇਵੇਗਾ। ਇੰਸਟਾਗ੍ਰਾਮ 'ਤੇ ਸਾਰੀ ਪੁਰਾਣੀ ਖੋਜ ਹਿਸਟਰੀ ਨੂੰ ਮਿਟਾਉਣ ਲਈ ਆਲ ਟਾਈਮ ਚੁਣਨ ਤੋਂ ਬਾਅਦ ਹੇਠਾਂ ਦਿੱਤੇ ਗਏ ਕਲੀਅਰ ਆਲ ਸਰਚ ਬਟਨ ਨੂੰ ਦਬਾਓ।</p> <p><br />ਅਜਿਹਾ ਕਰਨ ਨਾਲ ਤੁਹਾਡੀ ਪੁਰਾਣੀ ਸਮੱਗਰੀ ਪਸੰਦ ਇੰਸਟਾਗ੍ਰਾਮ ਤੋਂ ਹਟਾ ਦਿੱਤੀ ਜਾਵੇਗੀ। ਇਸ ਦੇ ਨਾਲ ਹੀ ਸਰਚ ਹਿਸਟਰੀ ਵੀ ਮਿਟਾ ਦਿੱਤੀ ਜਾਵੇਗੀ ਤੇ ਤੁਹਾਡਾ ਖਾਤਾ ਤਾਜ਼ਾ ਹੋ ਜਾਵੇਗਾ ਤੇ ਗੰਦੀਆਂ ਰੀਲਾਂ ਆਉਣੀਆਂ ਬੰਦ ਹੋ ਜਾਣਗੀਆਂ।</p> <p><iframe class="vidfyVideo" style="border: 0px;" src="https://ift.tt/MrJs5UR" width="631" height="381" scrolling="no"></iframe></p>