Diwali Shopping : ਦੀਵਾਲੀ ਤੋਂ ਪਹਿਲਾਂ ਮਹਿੰਗਾਈ ਦਾ ਝਟਕਾ ! AC-ਟੀਵੀ ਸਮੇਤ ਇਲੈਕਟ੍ਰਾਨਿਕ ਸਾਮਾਨ ਹੋਵੇਗਾ ਮਹਿੰਗਾ

<p>Diwali Shopping : ਇਸ ਵਾਰ ਦੀਵਾਲੀ ਨਵੰਬਰ ਮਹੀਨੇ ਵਿੱਚ ਮਨਾਈ ਜਾਵੇਗੀ। ਦੀਵਾਲੀ ਦੇ ਤਿਉਹਾਰ ਮੌਕੇ ਲੋਕ ਘਰ ਦੀ ਸਫਾਈ, ਰੰਗ-ਰੋਗਨ ਅਤੇ ਰਿਨੋਵੇਸ਼ਨ ਦੇ ਨਾਲ-ਨਾਲ ਨਵਾਂ ਟੀਵੀ, ਫਰਿੱਜ, AC, ਵਾਸ਼ਿੰਗ ਮਸ਼ੀਨ ਅਤੇ ਹੋਰ ਘਰੇਲੂ ਸਾਮਾਨ ਖਰੀਦਦੇ ਹਨ ਪਰ ਇਸ ਵਾਰ ਦੀਵਾਲੀ ਤੋਂ ਪਹਿਲਾਂ ਹੀ ਲੋਕਾਂ ਦੇ <a title="ਬਜਟ" href="https://ift.tt/LKqrIlF" data-type="interlinkingkeywords">ਬਜਟ</a> &rsquo;ਤੇ ਮਹਿੰਗਾਈ ਦਾ ਅਸਰ ਪੈ ਸਕਦਾ ਹੈ।</p> <p>ਦਰਅਸਲ, ਕੰਪਨੀਆਂ 1 ਅਕਤੂਬਰ ਤੋਂ ਕਈ ਇਲੈਕਟ੍ਰਾਨਿਕ ਅਤੇ ਹੋਮ ਅਪਲਾਇੰਸ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਨ ਦੀ ਤਿਆਰੀ ਕਰ ਰਹੀਆਂ ਹਨ। ਵੱਖ-ਵੱਖ ਉਤਪਾਦਾਂ ਦੀਆਂ ਕੀਮਤਾਂ ਵਿੱਚ ਕਰੀਬ 5 ਤੋਂ 8 ਫੀਸਦੀ ਤੱਕ ਵਾਧਾ ਹੋ ਸਕਦਾ ਹੈ।</p> <p><strong>ਇਨ੍ਹਾਂ ਕੰਪਨੀਆਂ ਨੇ ਦਿੱਤੇ ਕੀਮਤ ਵਧਾਉਣ ਦੇ ਸੰਕੇਤ</strong></p> <p>ਰਿਪੋਰਟ ਮੁਤਾਬਕ ਬਲੂ ਸਟਾਰ, ਗੋਦਰੇਜ ਅਪਲਾਇੰਸਿਜ਼, ਹਾਇਰ, ਡਾਈਕਿਨ ਅਤੇ ਸੁਪਰ ਪਲਾਸਟ੍ਰੋਨਿਕਸ ਵਰਗੀਆਂ ਕੰਪਨੀਆਂ ਨੇ ਵੱਖ-ਵੱਖ ਉਤਪਾਦਾਂ ਦੀਆਂ ਕੀਮਤਾਂ ਵਧਾਉਣ ਦੀ ਪੁਸ਼ਟੀ ਕੀਤੀ ਹੈ। ਕੁਝ ਕੰਪਨੀਆਂ ਵੱਲੋਂ ਵੱਖ-ਵੱਖ ਕੈਟੇਗਰੀਆਂ ਵਿੱਚ 4 ਤੋਂ 10 ਫੀਸਦੀ ਤੱਕ ਵਾਧਾ ਕੀਤਾ ਗਿਆ ਹੈ।</p> <p>ਇਸ ਤੋਂ ਇਲਾਵਾ, LG ਅਤੇ ਬੋਸ਼ ਹੋਮ ਕਮਫਰਟ, ਜੋ ਹਿਟਾਚੀ ਬ੍ਰਾਂਡ ਦੇ AC ਬਣਾਉਂਦੀ ਹੈ, ਵੱਲੋਂ ਵੀ AC ਦੀਆਂ ਕੀਮਤਾਂ ਵਿੱਚ ਕਰੀਬ 5 ਫੀਸਦੀ ਵਾਧੇ ਦੀ ਗੱਲ ਸਾਹਮਣੇ ਆਈ ਹੈ। ਪੈਨਾਸੋਨਿਕ ਫਿਲਹਾਲ ਸਥਿਤੀ &rsquo;ਤੇ ਨਜ਼ਰ ਰੱਖ ਰਹੀ ਹੈ।</p> <p><strong>ਕਿਉਂ ਵਧ ਰਹੀਆਂ ਹਨ ਕੀਮਤਾਂ?</strong></p> <p>ਕੰਪਨੀਆਂ ਮੁਤਾਬਕ ਕਾਪਰ, ਸਟੀਲ, ਐਲੂਮੀਨੀਅਮ ਅਤੇ ਪਲਾਸਟਿਕ ਵਰਗੇ ਕੱਚੇ ਮਾਲ ਦੀਆਂ ਕੀਮਤਾਂ ਵਧੀਆਂ ਹਨ। ਇਸ ਤੋਂ ਇਲਾਵਾ ਮਾਲ ਢੁਆਈ ਦਾ ਖਰਚਾ ਵੀ ਵਧਿਆ ਹੈ। ਡਾਲਰ ਦੇ ਮੁਕਾਬਲੇ ਰੁਪਏ ਵਿੱਚ ਉਤਾਰ-ਚੜ੍ਹਾਅ ਅਤੇ ਪੱਛਮੀ ਏਸ਼ੀਆ ਵਿੱਚ ਤਣਾਅ ਕਾਰਨ ਵੀ ਉਤਪਾਦਨ ਲਾਗਤ &rsquo;ਤੇ ਅਸਰ ਪਿਆ ਹੈ।</p> <p><strong>2026 ਵਿੱਚ ਤੀਜੀ ਵਾਰ ਵਧ ਸਕਦੀਆਂ ਹਨ ਕੀਮਤਾਂ</strong></p> <p>2026 ਦੌਰਾਨ ਇਲੈਕਟ੍ਰਾਨਿਕ ਸਾਮਾਨ ਦੀਆਂ ਕੀਮਤਾਂ ਵਿੱਚ ਪਹਿਲਾਂ ਹੀ ਦੋ ਵਾਰ ਵਾਧਾ ਹੋ ਚੁੱਕਾ ਹੈ। ਹੁਣ ਕੰਪਨੀਆਂ ਵੱਲੋਂ ਤੀਜੀ ਵਾਰ ਕੀਮਤਾਂ ਵਧਾਉਣ ਦੀ ਤਿਆਰੀ ਹੈ। AC ਦੀਆਂ ਕੀਮਤਾਂ ਵਿੱਚ 5 ਤੋਂ 8 ਫੀਸਦੀ, ਜਦਕਿ ਕੁਝ ਕੰਪਨੀਆਂ ਵਾਸ਼ਿੰਗ ਮਸ਼ੀਨ, ਫਰਿੱਜ ਅਤੇ LED TV ਦੀਆਂ ਕੀਮਤਾਂ ਵਿੱਚ 3 ਤੋਂ 4 ਫੀਸਦੀ ਤੱਕ ਵਾਧਾ ਕਰ ਸਕਦੀਆਂ ਹਨ।</p> <p><strong>ਦੀਵਾਲੀ &rsquo;ਤੇ ਪੁਰਾਣੀ ਕੀਮਤ &rsquo;ਤੇ ਮਿਲ ਸਕਦਾ ਸਾਮਾਨ</strong></p> <p>ਹਾਲਾਂਕਿ ਕੀਮਤਾਂ ਵਧਣ ਦੇ ਬਾਵਜੂਦ ਗਾਹਕਾਂ ਨੂੰ ਦੀਵਾਲੀ ਦੇ ਆਸ-ਪਾਸ ਕੁਝ ਸਮੇਂ ਲਈ ਪੁਰਾਣੀ ਕੀਮਤ &rsquo;ਤੇ ਸਾਮਾਨ ਮਿਲ ਸਕਦਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਡੀਲਰਾਂ ਅਤੇ ਡਿਸਟ੍ਰੀਬਿਊਟਰਾਂ ਨੇ ਅਗਸਤ ਅਤੇ ਸਤੰਬਰ ਵਿੱਚ ਪੁਰਾਣੀ ਕੀਮਤ &rsquo;ਤੇ ਕਾਫੀ ਸਟਾਕ ਪਹਿਲਾਂ ਹੀ ਖਰੀਦ ਕੇ ਰੱਖਿਆ ਹੋਇਆ ਹੈ।</p> <p>ਇਹ ਪੁਰਾਣਾ ਸਟਾਕ ਲਗਭਗ ਇੱਕ ਤੋਂ ਡੇਢ ਮਹੀਨੇ ਤੱਕ ਚੱਲ ਸਕਦਾ ਹੈ। ਇਸ ਲਈ ਦੀਵਾਲੀ ਦੇ ਸਮੇਂ ਕੁਝ ਦੁਕਾਨਾਂ &rsquo;ਤੇ ਪੁਰਾਣੀ ਕੀਮਤ ਵਾਲਾ ਸਾਮਾਨ ਮਿਲਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਦੀਵਾਲੀ ਤੋਂ ਬਾਅਦ ਨਵੀਆਂ ਕੀਮਤਾਂ ਦਾ ਅਸਰ ਹੋਰ ਸਪੱਸ਼ਟ ਤੌਰ &rsquo;ਤੇ ਦਿਖਾਈ ਦੇ ਸਕਦਾ ਹੈ।</p> <p><iframe class="vidfyVideo" style="border: 0px;" src="https://ift.tt/nO2SaFg" width="631" height="381" scrolling="no"></iframe></p>