Facebook 'ਚ ਆਉਣ ਵਾਲਾ ਹੈ ਸਭ ਤੋਂ ਵੱਡਾ ਬਦਲਾਅ ! ਮਿਲੇਗਾ TikTok ਵਰਗਾ ਫੀਚਰ

<p>Facebook : ਮੈਟਾ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਲਗਾਤਾਰ ਨਵੇਂ ਅਪਡੇਟ ਲਿਆਉਂਦਾ ਰਹਿੰਦਾ ਹੈ। ਹੁਣ ਕੰਪਨੀ Facebook ਲਈ ਵੀ ਇੱਕ ਵੱਡੇ ਬਦਲਾਅ ਦੀ ਤਿਆਰੀ ਕਰ ਰਹੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ, ਮੈਟਾ ਇੱਕ ਨਵੇਂ ਫੀਚਰ ਦੀ ਟੈਸਟਿੰਗ ਕਰ ਰਹੀ ਹੈ, ਜਿਸ ਦੇ ਆਉਣ ਤੋਂ ਬਾਅਦ ਜਿਵੇਂ ਹੀ ਯੂਜ਼ਰ Facebook ਐਪ ਖੋਲ੍ਹੇਗਾ, ਉਸ ਨੂੰ ਫੁੱਲ-ਸਕ੍ਰੀਨ ਵੀਡੀਓ ਫੀਡ ਨਜ਼ਰ ਆਵੇਗੀ। ਇਹ ਫੀਚਰ TikTok ਨੂੰ ਸਿੱਧੀ ਟੱਕਰ ਦੇਣ ਲਈ ਲਿਆਂਦਾ ਜਾ ਰਿਹਾ ਹੈ। ਆਓ ਜਾਣਦੇ ਹਾਂ ਇਹ ਫੀਚਰ ਕਿਵੇਂ ਕੰਮ ਕਰੇਗਾ।</p> <p><strong>ਐਪ ਖੁੱਲਦੇ ਹੀ ਮਿਲੇਗਾ ਨਵਾਂ ਵੀਡੀਓ ਇੰਟਰਫੇਸ</strong></p> <p>ਮੈਟਾ ਦੇ ਅਨੁਸਾਰ ਨਵੇਂ ਇੰਟਰਫੇਸ ਦਾ ਮਕਸਦ ਉਹਨਾਂ ਯੂਜ਼ਰਾਂ ਨੂੰ ਹੋਰ ਵਧੀਆ ਤਜਰਬਾ ਦੇਣਾ ਹੈ ,ਜੋ Facebook 'ਤੇ ਸਭ ਤੋਂ ਵੱਧ ਸਮਾਂ ਵੀਡੀਓ ਦੇਖਣ ਵਿੱਚ ਬਿਤਾਉਂਦੇ ਹਨ। ਅਜਿਹੇ ਯੂਜ਼ਰਾਂ ਲਈ ਐਪ ਸਿੱਧੇ ਇਮਰਸਿਵ ਫੁੱਲ-ਸਕ੍ਰੀਨ ਵੀਡੀਓ ਮੋਡ ਵਿੱਚ ਖੁੱਲੇਗੀ, ਜਿਸ ਨਾਲ ਵੀਡੀਓ ਦੇਖਣ ਦਾ ਤਜਰਬਾ ਪਹਿਲਾਂ ਨਾਲੋਂ ਹੋਰ ਦਿਲਚਸਪ ਹੋਵੇਗਾ। ਹਾਲਾਂਕਿ, ਕੰਪਨੀ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਫੀਚਰ ਸਾਰੇ ਯੂਜ਼ਰਾਂ 'ਤੇ ਜ਼ਬਰਦਸਤੀ ਲਾਗੂ ਨਹੀਂ ਕੀਤਾ ਜਾਵੇਗਾ।</p> <p><strong>Facebook ਵਿੱਚ ਇਹ ਬਦਲਾਅ ਕਿਉਂ ਕੀਤਾ ਜਾ ਰਿਹਾ ਹੈ?</strong></p> <p>ਜਾਣਕਾਰੀ ਮੁਤਾਬਕ ਪਿਛਲੇ ਕੁਝ ਸਾਲਾਂ ਵਿੱਚ Facebook 'ਤੇ ਲੋਕਾਂ ਦੀ ਐਕਟਿਵਿਟੀ ਘੱਟ ਹੋਈ ਹੈ। ਹੁਣ ਘੱਟ ਯੂਜ਼ਰ ਹੀ ਨਿਯਮਿਤ ਤੌਰ 'ਤੇ ਪੋਸਟਾਂ ਸ਼ੇਅਰ ਕਰਦੇ ਹਨ, ਪ੍ਰੋਫਾਈਲ ਅਪਡੇਟ ਕਰਦੇ ਹਨ ਜਾਂ ਦੋਸਤਾਂ ਨਾਲ ਗੱਲਬਾਤ ਕਰਦੇ ਹਨ। ਦੂਜੇ ਪਾਸੇ ਸ਼ਾਰਟ ਵੀਡੀਓਜ਼ ਦੇਖਣ ਦਾ ਰੁਝਾਨ ਬਹੁਤ ਤੇਜ਼ੀ ਨਾਲ ਵਧਿਆ ਹੈ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਮੈਟਾ ਦਾ ਮੰਨਣਾ ਹੈ ਕਿ ਹੁਣ ਵੱਡੀ ਗਿਣਤੀ ਵਿੱਚ ਲੋਕ ਸੋਸ਼ਲ ਮੀਡੀਆ 'ਤੇ ਸਿਰਫ਼ ਕੰਟੈਂਟ ਦੇਖਣ ਲਈ ਆਉਂਦੇ ਹਨ। ਇਸ ਲਈ ਉਨ੍ਹਾਂ ਦੀ ਦਿਲਚਸਪੀ ਮੁਤਾਬਕ ਵੀਡੀਓਜ਼ ਦਿਖਾਉਣਾ ਇੱਕ ਬਿਹਤਰ ਵਿਕਲਪ ਹੋ ਸਕਦਾ ਹੈ।</p> <p><strong>ਪੁਰਾਣਾ Facebook ਵੀ ਵਰਤ ਸਕੋਗੇ</strong></p> <p>Facebook ਦੇ ਅਨੁਸਾਰ ਇਹ ਫੀਚਰ ਇਸ ਵੇਲੇ ਟੈਸਟਿੰਗ ਫੇਜ਼ ਵਿੱਚ ਹੈ ਅਤੇ ਯੂਜ਼ਰਾਂ ਨੂੰ ਪੁਰਾਣਾ Facebook ਵਰਜਨ ਵਰਤਣ ਦਾ ਵਿਕਲਪ ਵੀ ਮਿਲੇਗਾ। ਜੇਕਰ ਕਿਸੇ ਯੂਜ਼ਰ ਨੂੰ ਨਵਾਂ ਫੁੱਲ-ਸਕ੍ਰੀਨ ਵੀਡੀਓ ਇੰਟਰਫੇਸ ਪਸੰਦ ਨਾ ਆਵੇ, ਤਾਂ ਉਹ ਮੁੜ ਪੁਰਾਣੇ Facebook ਇੰਟਰਫੇਸ 'ਤੇ ਵਾਪਸ ਜਾ ਸਕੇਗਾ। ਇਸ ਤੋਂ ਸਪੱਸ਼ਟ ਹੈ ਕਿ ਮੈਟਾ ਯੂਜ਼ਰਾਂ ਦੀ ਪ੍ਰਤੀਕਿਰਿਆ ਦੇਖਣ ਤੋਂ ਬਾਅਦ ਹੀ ਅੰਤਿਮ ਫੈਸਲਾ ਲਵੇਗੀ।</p> <p><strong>AI ਦੀ ਮਦਦ ਨਾਲ ਮਿਲੇਗਾ ਹੋਰ ਵਧੀਆ ਕੰਟੈਂਟ</strong></p> <p>Instagram ਦੇ ਮੁਖੀ ਐਡਮ ਮੋਸੇਰੀ ਦੇ ਅਨੁਸਾਰ, ਜੇਕਰ ਯੂਜ਼ਰਾਂ ਨੂੰ ਸਿਰਫ਼ ਦੋਸਤਾਂ ਅਤੇ ਫਾਲੋ ਕੀਤੇ ਗਏ ਅਕਾਊਂਟਾਂ ਦੀਆਂ ਪੋਸਟਾਂ ਹੀ ਦਿਖਾਈਆਂ ਜਾਣ, ਤਾਂ ਉਨ੍ਹਾਂ ਨੂੰ ਸੀਮਿਤ ਕੰਟੈਂਟ ਮਿਲਦਾ ਹੈ। ਪਰ ਜੇ AI ਅਤੇ ਰਿਕਮੈਂਡੇਸ਼ਨ ਸਿਸਟਮ ਦੀ ਮਦਦ ਨਾਲ ਕਰੋੜਾਂ ਪੋਸਟਾਂ ਵਿੱਚੋਂ ਯੂਜ਼ਰ ਦੀ ਦਿਲਚਸਪੀ ਮੁਤਾਬਕ ਵੀਡੀਓਜ਼ ਚੁਣ ਕੇ ਦਿਖਾਈਆਂ ਜਾਣ, ਤਾਂ ਉਨ੍ਹਾਂ ਦਾ ਤਜਰਬਾ ਕਾਫ਼ੀ ਬਿਹਤਰ ਹੋ ਸਕਦਾ ਹੈ। ਇਸੇ ਲਈ ਮੈਟਾ ਹੁਣ Facebook 'ਤੇ ਵੀ AI ਆਧਾਰਿਤ ਵੀਡੀਓ ਰਿਕਮੈਂਡੇਸ਼ਨ ਨੂੰ ਹੋਰ ਵੱਧ ਮਹੱਤਵ ਦੇਣ ਵੱਲ ਕੰਮ ਕਰ ਰਹੀ ਹੈ।</p> <p><iframe class="vidfyVideo" style="border: 0px;" src="https://ift.tt/WmovLY3" width="631" height="381" scrolling="no"></iframe></p>