Trending News : 16 ਸਾਲ ਪਹਿਲਾਂ ਲਾਪਤਾ ਹੋਏ ਪਿਤਾ ਨੂੰ ਇੱਕ ਵਟਸਐਪ ਮੈਸੇਜ ਨੇ ਪਰਿਵਾਰ ਨਾਲ ਮਿਲਾਇਆ, ਗਲੇ ਮਿਲ ਕੇ ਖੂਬ ਰੋਏ ਪਿਉ-ਪੁੱਤ

<p>Trending News : ਕਹਿੰਦੇ ਹਨ ਕਿ ਜੇ ਕਿਸੇ ਚੀਜ਼ ਦੀ ਦਿਲੋਂ ਇੱਛਾ ਕੀਤੀ ਜਾਵੇ ਤਾਂ ਪੂਰੀ ਕਾਇਨਾਤ ਉਸਨੂੰ ਤੁਹਾਡੇ ਨਾਲ ਮਿਲਾਉਣ ਵਿੱਚ ਲੱਗ ਜਾਂਦੀ ਹੈ। ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਜਿਸ ਨੇ ਲੋਕਾਂ ਨੂੰ ਭਾਵੁਕ ਕਰ ਦਿੱਤਾ। 16 ਸਾਲ ਪਹਿਲਾਂ ਇੱਕ ਛੋਟੇ ਜਿਹੇ ਪਰਿਵਾਰਕ ਵਿਵਾਦ ਤੋਂ ਬਾਅਦ ਘਰ ਛੱਡ ਕੇ ਜਾਣ ਵਾਲੇ ਵਿਅਕਤੀ ਨੂੰ ਉਸਦਾ ਪਰਿਵਾਰ ਆਖ਼ਿਰਕਾਰ ਲੱਭਣ ਵਿੱਚ ਕਾਮਯਾਬ ਹੋ ਗਿਆ। ਇਹ ਮਿਲਾਪ ਇੰਨਾ ਭਾਵੁਕ ਸੀ ਕਿ ਇਸ ਦੀ ਕਹਾਣੀ ਸੁਣ ਕੇ ਸੋਸ਼ਲ ਮੀਡੀਆ ਯੂਜ਼ਰਾਂ ਦੀਆਂ ਵੀ ਅੱਖਾਂ ਨਮ ਹੋ ਗਈਆਂ।</p> <p><strong>16 ਸਾਲ ਪਹਿਲਾਂ ਘਰ ਛੱਡ ਦਿੱਤਾ ਸੀ</strong></p> <p>ਇਹ ਮਾਮਲਾ ਝਾਰਖੰਡ ਦੇ ਚਤਰਾ ਜ਼ਿਲ੍ਹੇ ਨਾਲ ਸੰਬੰਧਿਤ ਹੈ। ਇੱਥੇ ਰਹਿਣ ਵਾਲੇ ਰਮੇਸ਼ ਬਾਬੂ ਕਰੀਬ 16 ਸਾਲ ਪਹਿਲਾਂ ਇੱਕ ਛੋਟੇ ਜਿਹੇ ਪਰਿਵਾਰਕ ਝਗੜੇ ਤੋਂ ਬਾਅਦ ਘਰ ਛੱਡ ਕੇ ਚਲੇ ਗਏ ਸਨ। ਪਰਿਵਾਰ ਨੇ ਉਨ੍ਹਾਂ ਨੂੰ ਕਈ ਸਾਲਾਂ ਤੱਕ ਲੱਭਣ ਦੀ ਕੋਸ਼ਿਸ਼ ਕੀਤੀ, ਪਰ ਕੋਈ ਸੁਰਾਗ ਨਹੀਂ ਮਿਲਿਆ। ਆਖ਼ਿਰਕਾਰ ਇੱਕ ਵਟਸਐਪ ਮੈਸੇਜ ਨੇ ਪਰਿਵਾਰ ਨੂੰ ਉਨ੍ਹਾਂ ਦਾ ਗੁੰਮ ਹੋਇਆ ਮੁਖੀ ਵਾਪਸ ਮਿਲਾ ਦਿੱਤਾ।</p> <p><iframe title="CM Mann Big Statement | ਅਕਾਲੀ ਦਲ ਤੋਂ ਪੰਜਾਬ ਦੇ ਸੁਧਾਰ ਦੀ ਉਮੀਦ ਨਾ ਕਰਿਓ : CM ਮਾਨ" src="https://www.youtube.com/embed/2ipwlTu7N1o" width="795" height="447" frameborder="0" allowfullscreen="allowfullscreen"></iframe></p> <p><strong>ਘਰ ਛੱਡਣ ਤੋਂ ਬਾਅਦ ਕੀ ਹੋਇਆ?</strong></p> <p>ਘਰ ਛੱਡਣ ਤੋਂ ਬਾਅਦ ਰਮੇਸ਼ ਦੀ ਮਾਨਸਿਕ ਹਾਲਤ ਖਰਾਬ ਹੋ ਗਈ ਅਤੇ ਉਹ ਨਸ਼ੇ ਦੀ ਲਤ ਦਾ ਸ਼ਿਕਾਰ ਹੋ ਗਏ। ਉਹ ਵੱਖ-ਵੱਖ ਸ਼ਹਿਰਾਂ ਵਿੱਚ ਭਟਕਦੇ ਰਹੇ ਅਤੇ ਆਖ਼ਿਰਕਾਰ ਚੇਨਈ ਦੀਆਂ ਸੜਕਾਂ 'ਤੇ ਬੇਘਰ ਹਾਲਤ ਵਿੱਚ ਜੀਵਨ ਬਿਤਾਉਣ ਲੱਗੇ। ਇਸ ਦੌਰਾਨ ਚੇਨਈ ਦੀ ਇੱਕ ਐਨਜੀਓ ਨੇ ਉਨ੍ਹਾਂ ਨੂੰ ਦੇਖਿਆ ਅਤੇ ਇੱਕ ਪੁਨਰਵਾਸ ਕੇਂਦਰ ਵਿੱਚ ਦਾਖ਼ਲ ਕਰਵਾ ਦਿੱਤਾ, ਜਿੱਥੇ ਕਈ ਸਾਲਾਂ ਤੋਂ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਸੀ।</p> <p><strong>ਵਟਸਐਪ ਮੈਸੇਜ ਨੇ ਬਦਲੀ ਕਿਸਮਤ</strong></p> <p>ਇਲਾਜ ਦੌਰਾਨ ਜਦੋਂ ਰਮੇਸ਼ ਦੀ ਮਾਨਸਿਕ ਹਾਲਤ ਵਿੱਚ ਸੁਧਾਰ ਆਇਆ ਤਾਂ ਉਨ੍ਹਾਂ ਨੂੰ ਆਪਣਾ ਪੁਰਾਣਾ ਜੀਵਨ ਕੁਝ ਹੱਦ ਤੱਕ ਯਾਦ ਆਉਣ ਲੱਗਾ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਝਾਰਖੰਡ ਤੋਂ ਹਨ। ਐਨਜੀਓ ਦੇ ਕਰਮਚਾਰੀਆਂ ਨੇ ਉਨ੍ਹਾਂ ਦੀ ਤਸਵੀਰ ਅਤੇ ਜਾਣਕਾਰੀ ਵਟਸਐਪ ਗਰੁੱਪਾਂ ਵਿੱਚ ਸਾਂਝੀ ਕੀਤੀ। ਇਹ ਮੈਸੇਜ ਘੁੰਮਦਾ-ਘੁੰਮਦਾ ਝਾਰਖੰਡ ਦੇ ਇੱਕ ਕਿਰਾਣਾ ਦੁਕਾਨਦਾਰ ਤੱਕ ਪਹੁੰਚਿਆ, ਜਿਸ ਨੇ ਰਮੇਸ਼ ਨੂੰ ਤੁਰੰਤ ਪਛਾਣ ਲਿਆ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਸੂਚਿਤ ਕੀਤਾ।</p> <p>ਹੈਰਾਨ ਕਰਨ ਵਾਲਾ ਸੰਯੋਗ</p> <p>ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਸੀ ਕਿ ਜਦੋਂ ਰਮੇਸ਼ ਘਰ ਛੱਡ ਕੇ ਗਏ ਸਨ, ਉਨ੍ਹਾਂ ਦਾ ਪੁੱਤਰ ਸਿਰਫ਼ 5 ਸਾਲ ਦਾ ਸੀ। ਹੁਣ ਉਹ ਵੱਡਾ ਹੋ ਚੁੱਕਾ ਸੀ ਅਤੇ ਰੋਜ਼ਗਾਰ ਦੇ ਸਿਲਸਿਲੇ ਵਿੱਚ ਚੇਨਈ ਵਿੱਚ ਹੀ ਰਹਿ ਰਿਹਾ ਸੀ। ਹੋਰ ਵੀ ਹੈਰਾਨੀ ਦੀ ਗੱਲ ਇਹ ਸੀ ਕਿ ਜਿਸ ਪੁਨਰਵਾਸ ਕੇਂਦਰ ਵਿੱਚ ਰਮੇਸ਼ ਦਾ ਇਲਾਜ ਚੱਲ ਰਿਹਾ ਸੀ, ਉਸ ਤੋਂ ਕੁਝ ਹੀ ਕਿਲੋਮੀਟਰ ਦੂਰ ਉਸਦਾ ਪੁੱਤਰ ਰਹਿੰਦਾ ਸੀ। ਮੈਸੇਜ ਮਿਲਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਪਿਉ-ਪੁੱਤ ਦੀ ਮੁਲਾਕਾਤ ਹੋਈ ਅਤੇ ਦੋਵੇਂ ਗਲੇ ਮਿਲ ਕੇ ਰੋ ਪਏ। 21 ਜੂਨ ਨੂੰ ਰਮੇਸ਼ ਆਪਣੇ ਪਿੰਡ ਵਾਪਸ ਪਰਤ ਆਏ ਅਤੇ 16 ਸਾਲ ਪਹਿਲਾਂ ਬਿਖਰਿਆ ਪਰਿਵਾਰ ਮੁੜ ਇਕੱਠਾ ਹੋ ਗਿਆ।</p> <p>ਸੋਸ਼ਲ ਮੀਡੀਆ 'ਤੇ ਲੋਕ ਹੋਏ ਭਾਵੁਕ</p> <p>ਇਹ ਕਹਾਣੀ ਵਾਇਰਲ ਹੋਣ ਤੋਂ ਬਾਅਦ ਲੱਖਾਂ ਲੋਕਾਂ ਨੇ ਇਸ 'ਤੇ ਪ੍ਰਤੀਕਿਰਿਆ ਦਿੱਤੀ। ਇੱਕ ਯੂਜ਼ਰ ਨੇ ਲਿਖਿਆ, "ਪਿਤਾ ਤੋਂ ਬਿਨਾਂ ਪਰਿਵਾਰ ਕਬਰਸਤਾਨ ਵਰਗਾ ਹੁੰਦਾ ਹੈ।" ਦੂਜੇ ਨੇ ਕਿਹਾ, "16 ਸਾਲ ਬਾਅਦ ਪਿਤਾ ਨੂੰ ਦੇਖ ਕੇ ਪੁੱਤਰ ਦੇ ਦਿਲ 'ਤੇ ਕੀ ਬੀਤੀ ਹੋਵੇਗੀ, ਇਹ ਸੋਚ ਕੇ ਹੀ ਅੱਖਾਂ ਭਰ ਆਉਂਦੀਆਂ ਹਨ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਇਹ ਬਹੁਤ ਹੀ ਖੂਬਸੂਰਤ ਕਹਾਣੀ ਹੈ। ਇਸਨੂੰ ਪੜ੍ਹ ਕੇ ਮੇਰਾ ਦਿਲ ਭਰ ਆਇਆ ਅਤੇ ਮੈਂ ਆਪਣੇ ਪਿਤਾ ਨੂੰ ਗਲੇ ਲਾ ਲਿਆ।" ❤️</p> <p><iframe class="vidfyVideo" style="border: 0px;" src="https://ift.tt/d892TDZ" width="631" height="381" scrolling="no"></iframe></p>