Cooler Hacks: ਭੱਖਦੀ ਗਰਮੀ ਤੋਂ ਮਿਲੇਗੀ ਰਾਹਤ, ਕੂਲਰ ਦੇ ਪਾਣੀ 'ਚ ਮਿਲਾਓ ਇਹ ਚੀਜ਼! ਕੂਲਿੰਗ ਦੇ ਨਾਲ ਹੋਣਗੇ ਬੇਮਿਸਾਲ ਫਾਇਦੇ...

<p><strong>Cooler Hacks:</strong> ਭੱਖਦੀ ਗਰਮੀ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਦੱਸ ਦੇਈਏ ਕਿ ਅਸਮਾਨੋਂ ਵਰ੍ਹਦੀ ਅੱਗ ਵਿਚਾਲੇ ਲੋਕਾਂ ਦਾ ਘਰਾਂ ਤੋਂ ਬਾਹਰ ਨਿਕਲਣਾ ਮੁਸ਼ਕਿਲ ਹੋ ਗਿਆ ਹੈ। ਗਰਮੀ ਦਾ ਕਹਿਰ ਵਧਣ ਦੇ ਨਾਲ ਹੀ ਘਰਾਂ 'ਚ ਏਸੀ ਸਣੇ ਕੂਲਰਾਂ ਦੀ ਵਰਤੋਂ ਤੇਜ਼ ਹੋ ਗਈ ਹੈ ਪਰ ਕੂਲਰ ਚਲਾਉਂਦੇ ਸਮੇਂ ਅਕਸਰ ਲੋਕਾਂ ਨੂੰ ਦੋ ਵੱਡੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਪਹਿਲੀ, ਪਾਣੀ 'ਚੋਂ ਆਉਣ ਵਾਲੀ ਗੰਦੀ ਬਦਬੂ ਅਤੇ ਦੂਜੀ, ਮੱਛਰਾਂ ਦੀ ਭਰਮਾਰ। ਇਨ੍ਹਾਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਉਣ ਲਈ ਮਾਹਰਾਂ ਵੱਲੋਂ ਕੂਲਰ ਦੇ ਪਾਣੀ 'ਚ ਫਿਟਕਰੀ ਪਾਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਸਰੋਤਾਂ ਦੇ ਅਧਾਰ 'ਤੇ ਫਿਟਕਰੀ ਪਾਉਣ ਦੇ ਕੁਝ ਮੁੱਖ ਫਾਇਦੇ ਇਸ ਤਰ੍ਹਾਂ ਹਨ :-</p> <p><strong>ਪਾਣੀ ਦੀ ਗੰਦਗੀ ਨੂੰ ਕਰਦੀ ਹੈ ਸਾਫ਼</strong></p> <p>ਫਿਟਕਰੀ ਇਕ ਬਿਹਤਰੀਨ 'ਕੌਯਗੁਲੈਂਟ' ਵਜੋਂ ਕੰਮ ਕਰਦੀ ਹੈ। ਜਦੋਂ ਇਸ ਨੂੰ ਕੂਲਰ ਦੇ ਪਾਣੀ ਵਿੱਚ ਪਾਇਆ ਜਾਂਦਾ ਹੈ, ਤਾਂ ਇਹ ਪਾਣੀ 'ਚ ਮੌਜੂਦ ਧੂੜ-ਮਿੱਟੀ ਅਤੇ ਬਾਰੀਕ ਕਣਾਂ ਨੂੰ ਆਪਸ 'ਚ ਜੋੜ ਕੇ ਭਾਰੀ ਕਰ ਦਿੰਦੀ ਹੈ, ਜਿਸ ਨਾਲ ਸਾਰੀ ਗੰਦਗੀ ਟੈਂਕੀ ਦੀ ਸਤ੍ਹਾ 'ਤੇ ਹੇਠਾਂ ਬੈਠ ਜਾਂਦੀ ਹੈ ਅਤੇ ਪਾਣੀ ਸਾਫ਼ ਹੋ ਜਾਂਦਾ ਹੈ।</p> <p><strong>ਬਦਬੂ ਅਤੇ ਬੈਕਟੀਰੀਆ ਦਾ ਖਾਤਮਾ</strong></p> <p>ਗਰਮੀਆਂ 'ਚ ਪਾਣੀ ਦੇ ਖੜ੍ਹੇ ਰਹਿਣ ਨਾਲ ਉਸ 'ਚ ਬੈਕਟੀਰੀਆ ਪੈਦਾ ਹੋ ਜਾਂਦੇ ਹਨ, ਜਿਸ ਕਾਰਨ ਸੜਨ ਵਾਲੀ ਬਦਬੂ ਆਉਣ ਲੱਗਦੀ ਹੈ। ਫਿਟਕਰੀ ਪਾਣੀ ਦੇ pH ਪੱਧਰ ਨੂੰ ਹਲਕਾ ਜਿਹਾ ਪ੍ਰਭਾਵਿਤ ਕਰਕੇ ਬੈਕਟੀਰੀਆ ਨੂੰ ਮਾਰਦੀ ਹੈ, ਜਿਸ ਨਾਲ ਪਾਣੀ ਲੰਬੇ ਸਮੇਂ ਤੱਕ ਤਾਜ਼ਾ ਰਹਿੰਦਾ ਹੈ।</p> <p><iframe class="vidfyVideo" style="border: 0px;" src="https://ift.tt/AR86jKO" width="631" height="381" scrolling="no"></iframe></p> <p><strong>ਖਾਰੇ ਪਾਣੀ ਦੇ ਅਸਰ ਨੂੰ ਘਟਾਉਣਾ</strong></p> <p>ਜੇਕਰ ਕੂਲਰ 'ਚ ਖਾਰਾ ਪਾਣੀ ਵਰਤਿਆ ਜਾ ਰਿਹਾ ਹੈ, ਤਾਂ ਕੂਲਰ ਦੀ ਘਾਹ (ਪੈਡਸ) ਅਤੇ ਪੰਖੇ 'ਤੇ ਨਮਕ ਦੀ ਚਿੱਟੀ ਪਰਤ ਜਮ ਜਾਂਦੀ ਹੈ। ਫਿਟਕਰੀ ਪਾਣੀ ਦੇ ਖਾਰੇਪਣ ਨੂੰ ਪੂਰੀ ਤਰ੍ਹਾਂ ਖ਼ਤਮ ਤਾਂ ਨਹੀਂ ਕਰਦੀ, ਪਰ ਇਹ ਨਮਕ ਨੂੰ ਬੰਨ੍ਹ ਕੇ ਹੇਠਾਂ ਬਿਠਾ ਦਿੰਦੀ ਹੈ, ਜਿਸ ਨਾਲ ਕੂਲਰ ਦੇ ਪੈਡ ਜਲਦੀ ਖ਼ਰਾਬ ਨਹੀਂ ਹੁੰਦੇ।</p> <p><strong>ਮੱਛਰਾਂ ਤੋਂ ਬਚਾਅ</strong></p> <p>ਸਭ ਤੋਂ ਅਹਿਮ ਫਾਇਦਾ ਇਹ ਹੈ ਕਿ ਫਿਟਕਰੀ ਵਾਲੇ ਪਾਣੀ 'ਚ ਮੱਛਰ ਨਹੀਂ ਪਨਪਦੇ। ਇਸ ਤਰ੍ਹਾਂ ਤੁਸੀਂ ਮੱਛਰਾਂ ਦੇ ਆਤੰਕ ਅਤੇ ਉਨ੍ਹਾਂ ਤੋਂ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚ ਸਕਦੇ ਹੋ। ਇਸ ਲਈ, ਇਸ ਗਰਮੀ 'ਚ ਆਪਣੇ ਕੂਲਰ ਨੂੰ ਸਾਫ਼ ਅਤੇ ਸਿਹਤਮੰਦ ਰੱਖਣ ਲਈ ਫਿਟਕਰੀ ਦੀ ਵਰਤੋਂ ਇਕ ਸਸਤਾ ਅਤੇ ਕਾਰਗਰ ਨੁਸਖਾ ਸਾਬਤ ਹੋ ਸਕਦੀ ਹੈ।</p>