ਇਸ ਸਾਲ ਲਾਂਚ ਹੋਏ 15,000 ਤੋਂ ਘੱਟ ਕੀਮਤ ਵਾਲੇ ਆਹ ਸ਼ਾਨਦਾਰ ਫੋਨ, ਦੇਖੋ ਫੀਚਰਸ ਅਤੇ ਕੀਮਤ

<p><strong>Year Ender 2025: </strong>ਪਿਛਲੇ ਕੁਝ ਸਮੇਂ ਤੋਂ ਸਮਾਰਟਫੋਨ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋ ਰਿਹਾ ਹੈ। ਮੈਮੋਰੀ ਕੰਪੋਨੈਂਟਸ ਦੀ ਵਧਦੀ ਕੀਮਤ ਕਰਕੇ ਕੰਪਨੀਆਂ ਨੂੰ ਆਪਣੇ ਸਮਾਰਟਫੋਨ ਦੀਆਂ ਕੀਮਤਾਂ ਵਧਾਉਣੀਆਂ ਪੈ ਰਹੀਆਂ ਹਨ, ਜਿਸ ਨਾਲ ਗਾਹਕਾਂ ਦੀ ਜੇਬ 'ਤੇ ਵੱਡਾ ਬੋਝ ਪੈ ਰਿਹਾ ਹੈ। ਜੇਕਰ ਤੁਸੀਂ ਨਵੇਂ ਸਾਲ ਤੋਂ ਪਹਿਲਾਂ ਇੱਕ ਸਸਤਾ ਅਤੇ ਸ਼ਾਨਦਾਰ ਫੋਨ ਖਰੀਦਣਾ ਚਾਹੁੰਦੇ ਹੋ, ਤਾਂ ਅਸੀਂ ਤੁਹਾਨੂੰ ਅਜਿਹੇ ਚਾਰ ਫੋਨਾਂ ਬਾਰੇ ਦੱਸਾਂਗੇ, ਜਿਨ੍ਹਾਂ ਦੀ ਕੀਮਤ 15,000 ਤੋਂ ਘੱਟ ਹੈ।&nbsp;</p> <p><iframe class="vidfyVideo" style="border: 0px;" src="https://ift.tt/jFwEx4K" width="631" height="381" scrolling="no"></iframe></p> <p><strong>iQOO Z10x 5G</strong></p> <p>ਇਸ ਫੋਨ ਵਿੱਚ 6.72-ਇੰਚ FHD+ LCD ਡਿਸਪਲੇਅ ਵੀ ਹੈ ਜੋ 120Hz ਰਿਫਰੈਸ਼ ਰੇਟ ਲਈ ਸਪੋਰਟ ਕਰਦਾ ਹੈ। MediaTek Dimensity 7300 ਪ੍ਰੋਸੈਸਰ ਨਾਲ ਲੈਸ ਇਸ ਫੋਨ ਵਿੱਚ ਪਾਵਰਫੁੱਲ 6500mAh ਬੈਟਰੀ ਹੈ। ਕੈਮਰਾ ਸੈੱਟਅਪ ਵਿੱਚ 50MP + 2MP ਡਿਊਲ ਰੀਅਰ ਕੈਮਰਾ ਸੈੱਟਅਪ, ਸੈਲਫੀ ਅਤੇ ਵੀਡੀਓ ਰਿਕਾਰਡਿੰਗ ਲਈ 8MP ਫਰੰਟ ਕੈਮਰਾ ਸ਼ਾਮਲ ਹੈ। ਇਹ Amazon 'ਤੇ ₹14,999 ਵਿੱਚ ਲਿਸਟਿਡ ਹੈ।</p> <p><strong>Realme P3x 5G</strong></p> <p>ਇਸ ਸਾਲ ਦੇ ਸ਼ੁਰੂਆਤ ਵਿੱਚ ਲਾਂਚ ਹੋਏ ਇਸ ਸਮਾਰਟਫੋਨ ਵਿੱਚ 6.72-ਇੰਚ FHD+ LCD ਡਿਸਪਲੇਅ ਹੈ ਜਿਸ ਦਾ ਰਿਫਰੈਸ਼ ਰੇਟ 60Hz ਹੈ। ਇਹ MediaTek Dimensity 6400 ਪ੍ਰੋਸੈਸਰ ਨਾਲ ਲੈਸ ਹੈ। ਫੋਨ ਵਿੱਚ 50MP + 2MP ਡਿਊਲ ਰੀਅਰ ਕੈਮਰਾ ਸੈੱਟਅਪ ਅਤੇ 8MP ਫਰੰਟ ਸੈਂਸਰ ਹੈ। ਇਹ 6000mAh ਬੈਟਰੀ ਨਾਲ ਲੈਸ ਹੈ। ਇਹ Amazon 'ਤੇ ₹12,220 ਵਿੱਚ ਉਪਲਬਧ ਹੈ।</p> <p><strong>Samsung Galaxy M16 5G</strong></p> <p>ਸੈਮਸੰਗ ਨੇ ਇਸ ਸਾਲ Samsung Galaxy M16 5G ਵੀ ਲਾਂਚ ਕੀਤਾ, ਇਹ ਫੋਨ ₹15,000 ਤੋਂ ਘੱਟ ਕੀਮਤ 'ਤੇ ਹੈ। ਇਸ ਫੋਨ ਵਿੱਚ 6.72-ਇੰਚ FHD+ LCD ਡਿਸਪਲੇਅ ਹੈ ਜਿਸ ਵਿੱਚ 90Hz ਰਿਫਰੈਸ਼ ਰੇਟ ਸਪੋਰਟ ਹੈ। ਇਹ MediaTek Dimensity 6300 ਪ੍ਰੋਸੈਸਰ ਅਤੇ 5000mAh ਬੈਟਰੀ ਨਾਲ ਲੈਸ ਹੈ। ਇਸ ਵਿੱਚ ਪਿਛਲੇ ਪਾਸੇ 50MP + 5MP + 2MP ਟ੍ਰਿਪਲ ਕੈਮਰਾ ਸੈੱਟਅਪ ਅਤੇ ਸਾਹਮਣੇ 13MP ਸੈਂਸਰ ਹੈ। ਇਹ ਫੋਨ Flipkart 'ਤੇ ₹12,367 ਵਿੱਚ ਲਿਸਟਿਡ ਹੈ।</p> <p><strong>Infinix Note 50x 5G</strong></p> <p>ਇਹ ਫੋਨ 6.6-ਇੰਚ HD+ ਡਿਸਪਲੇਅ ਨਾਲ ਲਾਂਚ ਕੀਤਾ ਗਿਆ ਸੀ ਜੋ 120Hz ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰਦਾ ਹੈ। ਇਹ MediaTek Dimensity 7300 ਪ੍ਰੋਸੈਸਰ ਨਾਲ ਲੈਸ ਹੈ ਅਤੇ ਫੋਟੋਆਂ ਅਤੇ ਵੀਡੀਓ ਲਈ 50MP ਦਾ ਮੈਨ ਕੈਮਰਾ ਲੱਗਿਆ ਹੋਇਆ ਹੈ। ਫਰੰਟ 'ਤੇ, ਇਸ ਵਿੱਚ ਸੈਲਫੀ ਅਤੇ ਵੀਡੀਓ ਕਾਲਾਂ ਲਈ 8MP ਲੈਂਸ ਹੈ। ਇਹ ਫੋਨ Flipkart 'ਤੇ ₹12,499 ਵਿੱਚ ਲਿਸਟਿਡ ਹੈ।</p>