Room Heater Safety: ਰੂਮ ਹੀਟਰ ਇੰਝ ਬਣਦਾ ਜਾਨ ਦਾ ਦੁਸ਼ਮਣ, ਜਾਣੋ ਕਿੰਨੇ ਘੰਟੇ ਵਰਤਣਾ ਸਹੀ, ਨਹੀਂ ਤਾਂ...

<p><strong>Room Heater Safety Tips:</strong> ਦੇਸ਼ ਭਰ 'ਚ ਇਨ੍ਹੀਂ ਦਿਨੀਂ ਠੰਡ ਆਪਣਾ ਕਹਿਰ ਦਿਖਾ ਰਹੀ ਹੈ। ਅਜਿਹੇ 'ਚ ਜ਼ਿਆਦਾਤਰ ਲੋਕ ਠੰਡ ਤੋਂ ਬਚਣ ਲਈ ਰੂਮ ਹੀਟਰ ਦੀ ਵਰਤੋਂ ਕਰ ਰਹੇ ਹਨ। ਹੀਟਰ ਕੁਝ ਮਿੰਟਾਂ ਵਿੱਚ ਕਮਰੇ ਨੂੰ ਗਰਮ ਕਰਦਾ ਹੈ ਅਤੇ ਠੰਡ ਤੋਂ ਬਚਾਉਂਦਾ ਹੈ, ਪਰ ਇਸਦੀ ਸੀਮਾ ਤੋਂ ਵੱਧ ਜਾਂ ਗਲਤ ਤਰੀਕੇ ਨਾਲ ਵਰਤੋਂ ਕਰਨਾ ਤੁਹਾਡੀ ਸਿਹਤ ਅਤੇ ਸੁਰੱਖਿਆ ਲਈ ਵੱਡਾ ਖਤਰਾ ਬਣ ਸਕਦਾ ਹੈ। ਅੱਜ ਅਸੀ ਤੁਹਾਨੂੰ ਦੱਸਾਂਗੇ ਕ ਰੂਮ ਹੀਟਰ ਦੀ ਵਰਤੋਂ ਕਿੰਨੇ ਘੰਟੇ ਤੱਕ ਕਰਨੀ ਚਾਹੀਦੀ ਹੈ ਅਤੇ ਇਸ ਸੰਬੰਧੀ ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ। &nbsp;</p> <p><strong>ਰੂਮ ਹੀਟਰ ਦੀ ਵਰਤੋਂ ਕਿੰਨੇ ਘੰਟੇ ਕਰਨੀ ਚਾਹੀਦੀ ?</strong></p> <p>ਮਾਹਿਰਾਂ ਦਾ ਕਹਿਣਾ ਹੈ ਕਿ ਲੰਬੇ ਸਮੇਂ ਤੱਕ ਰੂਮ ਹੀਟਰ ਦੀ ਲਗਾਤਾਰ ਵਰਤੋਂ ਕਰਨਾ ਠੀਕ ਨਹੀਂ ਹੈ। ਤੁਹਾਨੂੰ ਲਗਾਤਾਰ 3 ਤੋਂ 4 ਘੰਟਿਆਂ ਤੋਂ ਵੱਧ ਸਮੇਂ ਤੱਕ ਇਸ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਇਸ ਤੋਂ ਬਾਅਦ ਤੁਹਾਨੂੰ ਇਸ ਨੂੰ ਕੁਝ ਸਮੇਂ ਲਈ ਬੰਦ ਕਰ ਦੇਣਾ ਚਾਹੀਦਾ ਹੈ। ਲੰਬੇ ਸਮੇਂ ਤੱਕ ਹੀਟਰ ਦੀ ਵਰਤੋਂ ਕਰਨ ਨਾਲ ਕਮਰੇ ਵਿੱਚ ਆਕਸੀਜਨ ਦਾ ਪੱਧਰ ਘੱਟ ਸਕਦਾ ਹੈ, ਜਿਸ ਨਾਲ ਸਾਹ ਲੈਣ ਵਿੱਚ ਮੁਸ਼ਕਲ ਹੋ ਸਕਦੀ ਹੈ। ਰੂਮ ਹੀਟਰ ਦੀ ਵਰਤੋਂ ਕਰਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ...</p> <p><strong>ਰੂਮ ਹੀਟਰ ਚਲਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ</strong></p> <p><strong>ਕਮਰੇ ਨੂੰ ਪੂਰੀ ਤਰ੍ਹਾਂ ਬੰਦ ਨਾ ਕਰੋ</strong></p> <p>ਜਦੋਂ ਵੀ ਤੁਸੀਂ ਰੂਮ ਹੀਟਰ ਦੀ ਵਰਤੋਂ ਕਰਦੇ ਹੋ ਤਾਂ ਕਮਰੇ ਵਿੱਚ ਹਵਾਦਾਰੀ ਦਾ ਖਾਸ ਧਿਆਨ ਰੱਖੋ। ਦਰਵਾਜ਼ੇ ਜਾਂ ਖਿੜਕੀਆਂ ਨੂੰ ਥੋੜਾ ਜਿਹਾ ਖੁੱਲ੍ਹਾ ਰੱਖੋ ਤਾਂ ਜੋ ਕਮਰੇ ਵਿੱਚ ਹਵਾ ਦਾ ਫਲੋਅ ਬਣਿਆ ਰਹੇ। ਬਹੁਤ ਜ਼ਿਆਦਾ ਹੀਟਰਾਂ ਦੀ ਵਰਤੋਂ ਕਰਨ ਨਾਲ ਪੂਰੀ ਤਰ੍ਹਾਂ ਬੰਦ ਕਮਰੇ ਵਿੱਚ ਦਮ ਘੁੱਟਣ ਅਤੇ ਆਕਸੀਜਨ ਦੀ ਕਮੀ ਹੋ ਸਕਦੀ ਹੈ।</p> <p><strong>ਹੀਟਰ ਚਲਾ ਕੇ ਨਾ ਸੌਂਵੋ</strong></p> <p>ਸੌਂਦੇ ਸਮੇਂ ਰੂਮ ਹੀਟਰ ਦੀ ਵਰਤੋਂ ਕਰਨਾ ਬਹੁਤ ਖਤਰਨਾਕ ਸਾਬਤ ਹੋ ਸਕਦਾ ਹੈ। ਇਸ ਕਾਰਨ ਆਕਸੀਜਨ ਦੀ ਕਮੀ ਅਤੇ ਅੱਗ ਲੱਗਣ ਦਾ ਖਤਰਾ ਹੈ। ਜੇਕਰ ਤੁਸੀਂ ਰਾਤ ਨੂੰ ਹੀਟਰ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਬਾਜ਼ਾਰ ਤੋਂ ਸਮਾਰਟ ਸਵਿੱਚ ਖਰੀਦੋ, ਇਹ ਤੁਹਾਡੇ ਕੰਮ ਨੂੰ ਆਸਾਨ ਬਣਾ ਦੇਵੇਗਾ, ਜਿਸ ਨੂੰ ਤੁਸੀਂ ਆਪਣੇ ਫ਼ੋਨ ਤੋਂ ਕੰਟਰੋਲ ਕਰ ਸਕਦੇ ਹੋ ਅਤੇ ਇਸ ਵਿੱਚ ਟਾਈਮਰ ਵੀ ਲਗਾ ਸਕਦੇ ਹੋ।</p> <p><strong>ਹੀਟਰ ਨੂੰ ਥੋੜ੍ਹਾ ਜਿਹਾ ਦੂਰ ਰੱਖੋ</strong></p> <p>ਰੂਮ ਹੀਟਰਾਂ ਨੂੰ ਬਿਸਤਰੇ, ਸੋਫੇ ਜਾਂ ਹੋਰ ਜਲਣਸ਼ੀਲ ਵਸਤੂਆਂ ਤੋਂ ਢੁਕਵੀਂ ਦੂਰੀ 'ਤੇ ਰੱਖੋ। ਇਹ ਅੱਗ ਲੱਗਣ ਦੀ ਸੰਭਾਵਨਾ ਨੂੰ ਕਾਫੀ ਹੱਦ ਤੱਕ ਘਟਾਉਂਦਾ ਹੈ। ਇੰਨਾ ਹੀ ਨਹੀਂ, ਹੀਟਰ ਨੂੰ ਅਜਿਹੀ ਜਗ੍ਹਾ 'ਤੇ ਰੱਖੋ ਜਿੱਥੋਂ ਇਸ ਦੀ ਗਰਮ ਹਵਾ ਆਸਾਨੀ ਨਾਲ ਪੂਰੇ ਕਮਰੇ 'ਚ ਫੈਲ ਸਕੇ। ਹੀਟਰ ਨੂੰ ਕਿਸੇ ਵੀ ਚੀਜ਼ ਨਾਲ ਢੱਕਣ ਦੀ ਗਲਤੀ ਨਾ ਕਰੋ।</p> <p><iframe class="vidfyVideo" style="border: 0px;" src="https://ift.tt/ompSQl8" width="631" height="381" scrolling="no"></iframe></p> <p><iframe class="vidfyVideo" style="border: 0px;" src="https://ift.tt/PKRzm53" width="631" height="381" scrolling="no"></iframe></p> <p><iframe class="vidfyVideo" style="border: 0px;" src="https://ift.tt/K1eQbNr" width="631" height="381" scrolling="no"></iframe></p> <p><br />&nbsp;</p>