Exchange Offer 'ਚ iPhone 16 ਖ਼ਰੀਦਣ 'ਤੇ ਤੁਹਾਨੂੰ ਮਿਲ ਰਿਹਾ ਹੈ 32,200 ਰੁਪਏ ਦਾ Discount, ਇੰਝ ਚੱਕੋ ਮੌਕੇ ਦਾ ਫਾਇਦਾ

<p>Apple iPhone 16: ਐਪਲ ਨੇ 9 ਸਤੰਬਰ 2024 ਨੂੰ ਆਪਣੇ ਮੈਗਾ ਈਵੈਂਟ ਵਿੱਚ ਦੁਨੀਆ ਭਰ ਵਿੱਚ ਨਵੀਨਤਮ ਆਈਫੋਨ 16 ਸੀਰੀਜ਼ ਲਾਂਚ ਕੀਤੀ ਹੈ। ਕੰਪਨੀ ਨੇ ਇਸ ਸੀਰੀਜ਼ 'ਚ 4 ਫੋਨ ਲਾਂਚ ਕੀਤੇ ਹਨ। ਭਾਰਤ 'ਚ ਵੀ 13 ਸਤੰਬਰ 2024 ਤੋਂ ਇਸ ਫੋਨ ਦੀ ਪ੍ਰੀ-ਬੁਕਿੰਗ ਸ਼ੁਰੂ ਹੋ ਗਈ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਲੋਕਾਂ ਨੂੰ ਲੁਭਾਉਣ ਲਈ ਇੱਕ ਸ਼ਾਨਦਾਰ ਐਕਸਚੇਂਜ ਆਫਰ ਪੇਸ਼ ਕੀਤਾ ਹੈ, ਜਿਸ ਦੀ ਮਦਦ ਨਾਲ ਲੋਕ iPhone 16 ਦੀ ਖ਼ਰੀਦ 'ਤੇ 32,200 ਰੁਪਏ ਤੱਕ ਦੀ ਬਚਤ ਕਰ ਸਕਦੇ ਹਨ।</p> <p>ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਈ-ਕਾਮਰਸ ਸਾਈਟਸ ਅਮੇਜ਼ਨ ਅਤੇ ਫਲਿੱਪਕਾਰਟ 'ਤੇ iPhone 16 ਦੇ ਬੇਸ ਮਾਡਲ ਨੂੰ ਖਰੀਦਣ 'ਤੇ 32,200 ਰੁਪਏ ਦਾ ਐਕਸਚੇਂਜ ਆਫਰ ਦਿੱਤਾ ਜਾ ਰਿਹਾ ਹੈ। ਹੁਣ ਤੁਹਾਨੂੰ ਦੱਸ ਦੇਈਏ ਕਿ ਇਹ ਆਫਰ ਤੁਹਾਡੇ ਪੁਰਾਣੇ ਸਮਾਰਟਫੋਨ ਦੀ ਸਥਿਤੀ ਅਤੇ ਬ੍ਰਾਂਡ 'ਤੇ ਨਿਰਭਰ ਕਰਦਾ ਹੈ। ਇਸ ਦਾ ਮਤਲਬ ਹੈ ਕਿ ਜੇਕਰ ਤੁਹਾਡੇ ਪੁਰਾਣੇ ਫੋਨ ਦੀ ਜ਼ਿਆਦਾ ਵਰਤੋਂ ਨਹੀਂ ਕੀਤੀ ਗਈ ਹੈ ਅਤੇ ਉਸ ਦੀ ਹਾਲਤ ਬਿਲਕੁਲ ਫਿੱਟ ਹੈ ਅਤੇ ਇਹ ਬ੍ਰਾਂਡੇਡ ਹੈ, ਤਾਂ ਹੀ ਤੁਹਾਨੂੰ 32,200 ਰੁਪਏ ਦੀ ਛੋਟ ਮਿਲ ਸਕਦੀ ਹੈ।</p> <p>ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਤੁਸੀਂ iPhone 16 ਦਾ ਬੇਸ ਮਾਡਲ 79,900 ਰੁਪਏ ਦੀ ਬਜਾਏ ਸਿਰਫ 47,998 ਰੁਪਏ ਵਿੱਚ ਖਰੀਦ ਸਕਦੇ ਹੋ। ਇਸ ਦੇ ਨਾਲ 99 ਰੁਪਏ ਦਾ ਸੁਰੱਖਿਅਤ ਪੈਕੇਜਿੰਗ ਚਾਰਜ ਅਤੇ 199 ਰੁਪਏ ਦਾ ਪਿਕਅੱਪ ਚਾਰਜ ਵੀ ਹੈ।</p> <h3>ਆਈਫੋਨ 16 ਦੀਆਂ ਵਿਸ਼ੇਸ਼ਤਾਵਾਂ</h3> <p>ਜੇ ਇਸ ਲੇਟੈਸਟ ਆਈਫੋਨ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਕੰਪਨੀ ਨੇ ਆਈਫੋਨ 16 'ਚ 6.1 ਇੰਚ ਦੀ ਸੁਪਰ ਰੇਟੀਨਾ XDR OLED ਡਿਸਪਲੇ ਦਿੱਤੀ ਹੈ। ਇਸ ਤੋਂ ਇਲਾਵਾ ਇਹ ਫੋਨ A18 ਪ੍ਰੋਸੈਸਰ ਨਾਲ ਲੈਸ ਹੈ। ਐਪਲ ਦਾ ਦਾਅਵਾ ਹੈ ਕਿ ਇਹ ਚਿੱਪਸੈੱਟ A16 Bionic ਤੋਂ 30 ਫੀਸਦੀ ਤੇਜ਼ ਹੈ।</p> <h3>ਕੈਮਰਾ ਸੈੱਟਅੱਪ</h3> <p>ਆਈਫੋਨ 16 ਸੀਰੀਜ਼ 'ਚ 48MP ਪ੍ਰਾਇਮਰੀ ਕੈਮਰਾ ਹੈ। ਇਸ ਦੇ ਨਾਲ ਹੀ ਫੋਨ 'ਚ 12MP ਦਾ ਅਲਟਰਾ ਵਾਈਡ ਸੈਂਸਰ ਵੀ ਮੌਜੂਦ ਹੈ। ਸੈਲਫੀ ਅਤੇ ਵੀਡੀਓ ਕਾਲ ਲਈ ਫੋਨ 'ਚ 12MP ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। iPhone 16 ਸੀਰੀਜ਼ ਨੂੰ ਕੰਪਨੀ ਦੇ ਲੇਟੈਸਟ iOS 18 ਦੇ ਨਾਲ ਲਾਂਚ ਕੀਤਾ ਗਿਆ ਹੈ। iOS 18 ਵਾਲੇ ਨਵੇਂ ਮਾਡਲ ਐਪਲ ਇੰਟੈਲੀਜੈਂਸ AI ਫੀਚਰ ਨਾਲ ਲੈਸ ਹਨ।</p>