ਜ਼ਿਆਦਾ SIM ਹੋਣਾ ਬਣ ਸਕਦੀ ਵੱਡੀ ਸਮੱਸਿਆ, ਕਾਨੂੰਨੀ ਝਮੇਲੇ 'ਚ ਫਸ ਸਕਦੇ ਹੋ, 2 ਲੱਖ ਦਾ ਪਏਗਾ ਜੁਰਮਾਨਾ

<p><strong>SIM Rules Under Telecom Act:</strong> ਭਾਰਤ ਵਿੱਚ ਦੂਰਸੰਚਾਰ ਐਕਟ 2023 ਲਾਗੂ ਹੋ ਗਿਆ ਹੈ। ਇਸ 'ਚ ਸਰਕਾਰ ਨੇ ਲੋਕਾਂ ਨਾਲ ਧੋਖਾਧੜੀ ਅਤੇ ਕਾਲ 'ਤੇ ਹੋਣ ਵਾਲੀ ਧੋਖਾਧੜੀ ਨੂੰ ਰੋਕਣ ਲਈ ਕਈ ਸਖਤ ਨਿਯਮ ਬਣਾਏ ਹਨ। ਨਿਯਮਾਂ 'ਚ ਇਸ ਗੱਲ ਦਾ ਖਾਸ ਖਿਆਲ ਰੱਖਿਆ ਗਿਆ ਹੈ ਕਿ ਲੋਕ ਆਪਣੇ ਨਾਂ 'ਤੇ ਕਿੰਨੇ ਸਿਮ ਕਾਰਡ ਹਾਸਲ ਕਰ ਸਕਣਗੇ। ਜੇਕਰ ਕੋਈ ਵਿਅਕਤੀ ਇਨ੍ਹਾਂ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਉਸ ਵਿਰੁੱਧ ਸਖ਼ਤ ਕਾਰਵਾਈ (Strict action) ਕੀਤੀ ਜਾਵੇਗੀ।</p> <p><iframe class="vidfyVideo" style="border: 0px;" src="https://ift.tt/1hIeLRv" width="631" height="381" scrolling="no"></iframe></p> <h3>ਕਿੰਨੇ ਸਿਮ ਜਾਰੀ ਕੀਤੇ ਜਾ ਸਕਦੇ ਹਨ</h3> <p><br />ਟੈਲੀਕਾਮ ਐਕਟ 2023 ਦੇ ਅਨੁਸਾਰ, ਇੱਕ ਵਿਅਕਤੀ ਆਪਣੇ ਨਾਮ 'ਤੇ ਕਿੰਨੇ ਸਿਮ ਕਾਰਡ ਪ੍ਰਾਪਤ ਕਰ ਸਕਦਾ ਹੈ, ਪੂਰੀ ਤਰ੍ਹਾਂ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਉਹ ਕਿੱਥੇ ਰਹਿੰਦਾ ਹੈ। &nbsp;ਜੇਕਰ ਕੋਈ ਵਿਅਕਤੀ ਜੰਮੂ-ਕਸ਼ਮੀਰ, ਅਸਾਮ ਅਤੇ ਭਾਰਤ ਦੇ ਉੱਤਰ-ਪੂਰਬ ਦੇ ਲਾਇਸੰਸਸ਼ੁਦਾ ਸੇਵਾ ਖੇਤਰਾਂ (LSA) ਵਿੱਚ ਰਹਿੰਦਾ ਹੈ, ਤਾਂ ਉਹ ਸਿਰਫ਼ ਛੇ ਸਿਮ ਲੈ ਸਕਦਾ ਹੈ। ਇਹ ਸੰਵੇਦਨਸ਼ੀਲ ਇਲਾਕਾ ਹੋਣ ਕਾਰਨ ਇੱਥੇ ਸੀਮਾ ਘੱਟ ਰੱਖੀ ਗਈ ਹੈ। ਇਨ੍ਹਾਂ ਖੇਤਰਾਂ ਤੋਂ ਇਲਾਵਾ ਦੇਸ਼ ਦੇ ਹੋਰ ਸਥਾਨਾਂ ਦੇ ਲੋਕ ਆਪਣੇ ਨਾਂ 'ਤੇ ਜਾਰੀ ਕੀਤੇ ਗਏ 9 ਸਿਮ ਕਾਰਡ ਪ੍ਰਾਪਤ ਕਰ ਸਕਦੇ ਹਨ।</p> <h3>ਨਿਯਮ ਤੋੜਨ 'ਤੇ ਭਾਰੀ ਜੁਰਮਾਨਾ ਭਰਨਾ ਪਵੇਗਾ</h3> <p>ਨਵੇਂ ਨਿਯਮਾਂ ਮੁਤਾਬਕ ਜੇਕਰ ਕੋਈ ਵਿਅਕਤੀ ਨਿਰਧਾਰਤ ਨੰਬਰ ਤੋਂ ਵੱਧ ਸਿਮ ਲੈਂਦਾ ਹੈ ਤਾਂ ਉਸ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ। ਜਿੱਥੇ ਦੋਸ਼ੀ ਵਿਅਕਤੀ ਨੂੰ ਦੂਰਸੰਚਾਰ ਐਕਟ ਦੇ ਤਹਿਤ 50,000 ਰੁਪਏ ਤੱਕ ਦਾ ਜੁਰਮਾਨਾ ਭਰਨਾ ਹੋਵੇਗਾ। ਇੰਨਾ ਹੀ ਨਹੀਂ ਜੇਕਰ ਦੋਸ਼ੀ ਵਾਰ-ਵਾਰ ਅਜਿਹਾ ਕੁਝ ਕਰਦਾ ਹੈ ਤਾਂ ਉਸ ਨੂੰ 2 ਲੱਖ ਰੁਪਏ ਤੱਕ ਦਾ ਜੁਰਮਾਨਾ ਭਰਨਾ ਪਵੇਗਾ।</p> <p>ਇਸ ਦੇ ਨਾਲ ਹੀ ਜੇਕਰ ਕੋਈ ਵਿਅਕਤੀ ਧੋਖਾਧੜੀ, ਫਰਜ਼ੀ ਜਾਂ ਗਲਤ ਤਰੀਕੇ ਵਰਤ ਕੇ ਸਿਮ ਕਾਰਡ ਹਾਸਲ ਕਰਦਾ ਹੈ ਤਾਂ ਉਸ ਨੂੰ 3 ਸਾਲ ਤੱਕ ਦੀ ਕੈਦ ਜਾਂ 50 ਲੱਖ ਰੁਪਏ ਤੱਕ ਦਾ ਜੁਰਮਾਨਾ ਜਾਂ ਦੋਵੇਂ ਹੋ ਸਕਦੇ ਹਨ।&nbsp;</p> <h3>ਕੀ ਕੋਈ ਹੋਰ ਤੁਹਾਡੇ ਨਾਮ 'ਤੇ ਸਿਮ ਦੀ ਵਰਤੋਂ ਕਰ ਰਿਹਾ ਹੈ?</h3> <p>ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਸਾਈਬਰ ਧੋਖੇਬਾਜ਼ ਤੁਹਾਡੇ ਨਾਮ 'ਤੇ ਸਿਮ ਦੀ ਵਰਤੋਂ ਕਰ ਰਹੇ ਹਨ, ਪਰ ਤੁਹਾਨੂੰ ਇਸ ਬਾਰੇ ਪਤਾ ਵੀ ਨਹੀਂ ਹੁੰਦਾ। ਇਹ ਜਾਣਨ ਲਈ ਤੁਹਾਨੂੰ ਸਰਕਾਰੀ ਪੋਰਟਲ www.sancharsathi.gov.in 'ਤੇ ਜਾਣਾ ਹੋਵੇਗਾ ਅਤੇ ਉੱਥੇ ਜ਼ਰੂਰੀ ਜਾਣਕਾਰੀ ਭਰਨ ਤੋਂ ਬਾਅਦ ਫੋਨ 'ਤੇ OTP ਆਵੇਗਾ।</p> <p>ਇਸ OTP ਨੂੰ ਭਰਨ ਤੋਂ ਬਾਅਦ, ਇੱਕ ਨਵਾਂ ਪੇਜ ਖੁੱਲ੍ਹੇਗਾ, ਜਿੱਥੇ ਤੁਹਾਡੇ ਆਧਾਰ ਕਾਰਡ ਨਾਲ ਜੁੜੇ ਸਾਰੇ ਮੋਬਾਈਲ ਨੰਬਰ ਦਿੱਤੇ ਜਾਣਗੇ। ਇਸ ਨਾਲ ਤੁਹਾਨੂੰ ਪਤਾ ਲੱਗੇਗਾ ਕਿ ਕੋਈ ਤੁਹਾਡੇ ਨਾਮ 'ਤੇ ਲਏ ਸਿਮ ਦੀ ਵਰਤੋਂ ਕਰ ਰਿਹਾ ਹੈ।</p> <p><a href="https://punjabi.abplive.com/technology/apple-homepod-rescue-family-life-pet-dog-house-sets-on-fire-kitchen-details-inside-809742">ਹੋਰ ਪੜ੍ਹੋ :&nbsp;ਐਪਲ ਦਾ ਇਹ ਗੈਜੇਟ ਕਿਸੇ ਸੁਪਰਹੀਰੋ ਤੋਂ ਘੱਟ ਨਹੀਂ! ਬੇਜ਼ੁਬਾਨ ਜਾਨਵਰ ਸਮੇਤ ਇਸ ਤਰ੍ਹਾਂ ਬਚਾਈ ਪੂਰੇ ਪਰਿਵਾਰ ਦੀ ਜਾਨ</a></p> <p><iframe class="vidfyVideo" style="border: 0px;" src="https://ift.tt/KsQUqGg" width="631" height="381" scrolling="no"></iframe></p>