1 ਅਗਸਤ ਤੋਂ ਬਦਲ ਜਾਣਗੇ Google Maps ਦੇ ਆਹ ਨਿਯਮ, ਜਾਣੋ ਤੁਹਾਡੇ 'ਤੇ ਕਿੰਨਾ ਪਵੇਗਾ ਅਸਰ

<p><strong>Google Maps: </strong>ਗੂਗਲ ਮੈਪ ਨੇ ਭਾਰਤ 'ਚ ਆਪਣੇ ਨਿਯਮਾਂ 'ਚ ਕੁਝ ਬਦਲਾਅ ਕੀਤੇ ਹਨ, ਜੋ ਅਗਲੇ ਮਹੀਨੇ 1 ਅਗਸਤ 2024 ਤੋਂ ਪੂਰੇ ਦੇਸ਼ 'ਚ ਲਾਗੂ ਹੋ ਜਾਣਗੇ। ਕੰਪਨੀ ਨੇ ਭਾਰਤ 'ਚ ਚਾਰਜ ਵੀ 70 ਫੀਸਦੀ ਤੱਕ ਘਟਾ ਦਿੱਤੇ ਹਨ। ਇਸ ਤੋਂ ਇਲਾਵਾ ਹੁਣ ਗੂਗਲ ਮੈਪ ਆਪਣੀ ਸਰਵਿਸ ਦੇ ਬਦਲੇ ਡਾਲਰਾਂ ਦੀ ਬਜਾਏ ਭਾਰਤੀ ਰੁਪਏ 'ਚ ਪੈਸੇ ਲਵੇਗਾ। ਗੂਗਲ ਮੈਪ ਨੇ ਅਜਿਹੇ ਸਮੇਂ 'ਚ ਆਪਣੇ ਨਿਯਮਾਂ 'ਚ ਬਦਲਾਅ ਕੀਤਾ ਹੈ ਜਦੋਂ ਓਲਾ ਨੇ ਬਾਜ਼ਾਰ 'ਚ ਆਪਣੀ ਨੇਵੀਗੇਸ਼ਨ ਐਪ ਲਾਂਚ ਕੀਤੀ ਹੈ।</p> <p>ਇਸ ਖਬਰ ਨੂੰ ਪੜ੍ਹਨ ਤੋਂ ਬਾਅਦ ਆਮ ਉਪਭੋਗਤਾਵਾਂ ਦੇ ਮਨ ਵਿੱਚ ਇੱਕ ਸਵਾਲ ਆ ਸਕਦਾ ਹੈ ਕਿ ਕੀ ਹੁਣ ਉਨ੍ਹਾਂ ਨੂੰ ਗੂਗਲ ਮੈਪ ਦੀ ਵਰਤੋਂ ਕਰਨ ਲਈ ਪੈਸੇ ਦੇਣੇ ਪੈਣਗੇ? ਇਸ ਲਈ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਆਮ ਉਪਭੋਗਤਾਵਾਂ ਨੂੰ ਕਿਸੇ ਵੀ ਤਰ੍ਹਾਂ ਦੇ ਪੈਸੇ ਨਹੀਂ ਦੇਣੇ ਪੈਣਗੇ। ਦਰਅਸਲ, ਗੂਗਲ ਮੈਪ ਆਮ ਲੋਕਾਂ ਨੂੰ ਫ੍ਰੀ ਵਿੱਚ ਸਰਵਿਸ ਦਿੰਦਾ ਹੈ। ਪਰ ਜਿਹੜੀ ਕੰਪਨੀ ਆਪਣੇ ਕਾਰੋਬਾਰ ਵਿੱਚ ਗੂਗਲ ਮੈਪ ਦੀ ਵਰਤੋਂ ਕਰਦੀ ਹੈ। ਉਨ੍ਹਾਂ ਨੂੰ ਸਰਵਿਸ ਦੇ ਬਦਲੇ ਗੂਗਲ ਮੈਪ ਨੂੰ ਚਾਰਜ ਦੇਣਾ ਪੈਂਦਾ ਹੈ। ਗੂਗਲ ਮੈਪ ਨੇ ਇਸ 'ਚ ਬਦਲਾਅ ਕੀਤਾ ਹੈ ਅਤੇ ਚਾਰਜ ਵੀ ਘਟਾ ਦਿੱਤੇ ਹਨ। ਇਸ ਦੇ ਨਾਲ, ਗੂਗਲ ਹੁਣ ਨੇਵੀਗੇਸ਼ਨ ਸੇਵਾ ਲਈ ਡਾਲਰ ਦੀ ਬਜਾਏ ਭਾਰਤੀ ਰੁਪਏ ਵਿੱਚ ਭੁਗਤਾਨ ਕਰੇਗਾ।</p> <p>ਇਸ ਤੋਂ ਪਹਿਲਾਂ ਭਾਰਤ ਵਿੱਚ ਗੂਗਲ ਮੈਪ ਨੈਵੀਗੇਸ਼ਨ ਸਰਵਿਸ ਦੇਣ ਲਈ 4 ਤੋਂ 5 ਡਾਲਰ ਦੀ ਮਹੀਨਾਵਾਰ ਫੀਸ ਲਈ ਜਾਂਦੀ ਸੀ। ਪਰ ਨਿਯਮਾਂ 'ਚ ਬਦਲਾਅ ਤੋਂ ਬਾਅਦ ਇਸ ਨੂੰ 0.38 (31 ਰੁਪਏ) ਤੋਂ ਘਟਾ ਕੇ 1.50 ਡਾਲਰ (125 ਰੁਪਏ) ਕਰ ਦਿੱਤਾ ਗਿਆ ਹੈ। ਜਿੱਥੇ ਇੱਕ ਪਾਸੇ ਗੂਗਲ ਆਪਣੀ ਸਰਵਿਸ ਲਈ ਪੈਸੇ ਲੈਂਦਾ ਹੈ। ਤਾਂ ਉੱਥੇ ਹੀ ਨਵੇਂ-ਨਵੇਂ ਮਾਰਕਿਟ ਵਿੱਚ ਆਏ ਓਲਾ ਮੈਪ ਦੀ ਸਰਵਿਸ ਨੂੰ ਫ੍ਰੀ ਵਿੱਚ ਵਰਤ ਸਕਦਾ ਹੈ।</p> <p>Ola ਦੀ AI ਕੰਪਨੀ Krutrim ਨੇ ਹਾਲ ਹੀ ਵਿੱਚ "ਮੇਡ ਫਾਰ ਇੰਡੀਆ" ਅਤੇ "ਪ੍ਰਾਈਸਡ ਫਾਰ ਇੰਡੀਆ" ਨਾਮ ਦੀ ਇੱਕ ਸਕੀਮ ਸ਼ੁਰੂ ਕੀਤੀ ਹੈ। ਇਸ ਵਿੱਚ ਓਲਾ ਮੈਪਸ ਲਈ ਇੱਕ ਨਵਾਂ ਰੋਡਮੈਪ ਅਤੇ ਕੀਮਤ ਦੀ ਰਣਨੀਤੀ ਬਣਾਈ ਗਈ ਹੈ। ਇਸ ਸਕੀਮ ਨੂੰ ਗੂਗਲ ਮੈਪਸ ਨਾਲ ਸਿੱਧਾ ਮੁਕਾਬਲਾ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਓਲਾ ਦੇ ਸੀਈਓ ਭਾਵਿਸ਼ ਅਗਰਵਾਲ ਨੇ ਲਿੰਕਡਇਨ 'ਤੇ ਪੋਸਟ ਕਰਦੇ ਹੋਏ ਕਿਹਾ, 'ਗੂਗਲ ਨੇ ਬਦਲਾਅ ਕਰਨ 'ਚ ਕਾਫੀ ਦੇਰੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਕੀਮਤ ਘਟਾਓ, ਭਾਰਤੀ ਰੁਪਏ 'ਚ ਭੁਗਤਾਨ... ਇਹ ਤੁਹਾਡਾ ਝੂਠਾ ਦਿਖਾਵਾ ਹੈ, ਜਿਸ ਦੀ ਕੋਈ ਲੋੜ ਨਹੀਂ ਹੈ।</p>